BIDR200 Idrett og treningslære

Innhald og oppbygging

Emnet omhandlar prestasjonsbestemmande faktorar i ulike idrettar og tek føre seg:

• Adaptasjon (endring etter trening) i bestemmande faktorar
• Trening og treningsgjennomføring av styrke, uthald, spenst og hurtigheit, og i ulike idrettar (metodar, intensitet etc.)
• Treningsplanlegging (krav og kapasitet, planar, treningsprinsipp, formtoppi ng)
• Testing av uthald, styrke, hurtigheit og spenst

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har brei kunnskap om ulike treningsmetodar og effekten av dei for uthald, styrke, hurtigheit og spenst
• har brei kunnskap om treningsplanlegging

Krav til forkunnskapar

Ingen

Tilrådde forkunnskapar

IDF101 Treningslære

Undervisnings- og læringsformer

Undervisnings- og læringsformene i dette emnet er i stor grad knytt til førelesingar, gruppe- og individuelt arbeid. Emnet inneheld både teoretiske og praktiske timar med fokus på studentaktive læringsformer.

Obligatorisk læringsaktivitet

Følgjande obligatoriske læringsaktivitetar må vera godkjente for at studenten kan framstille seg til eksamen:

• Obligatorisk frammøte og krav om aktiv deltaking frå studenten i praktiske timar (for eksempel laboratorieøvingar og trening)
• Praktisk undervisning av medstudenter i ein idrett eller treningsmetode

Desse læringsaktivitetane er kopla opp mot læringsutbytta om å kunne utvikle, gjennomføre, evaluere og tilpasse idrettsspesifikke treningsøkter for å betre kapasiteten til ein utøver i ulike idrettsgreiner og å kunne lage treningsplaner og kontrollere treningseffekt gjennom testing.

Vurderingsform

Individuell mappeeksamen samansett av tre tekstar.

Dei tre tekstane skal omhandle:

1) prestasjonsbestemmande faktorar i ein valt idrett, 2) testing i ein valt idrett og 3) treningsplanlegging med beskriving av adaptasjon til treninga i ein valt idrett.

Karakterskala: A-F, der F er ikkje greidd.

Kvar tekst tel 1/3 av karakteren. Alle tekstane må vere greidd.

Ved ny eksamen skal ein levere ein omarbeida mappeeksamen som inkluderer alle dei tre tekstane.

Hjelpemiddel ved eksamen

Alle

Meir om hjelpemiddel