FRIB301 Friluftsliv vinter 2

Innhald og oppbygging

Dette emnet har to hovudfokus. Studentane får vidareutvikle seg som friluftslivsvegleiar gjennom teori og på ekskursjonar. Studentane får vegleiingserfaring gjennom å planlegge, gjennomføre og evaluere nordisk skiferd for andre. Det andre fokus i emnet er vinterfriluftsliv. Gjennom teori og ekskursjonar skal studentane vidareutvikle kunnskap, erfaring og forståing om vinterfriluftsliv. Emnet omhandlar hovudsakleg vinterferdsel i oversiktleg terreng. Sentralt i emnet er ei djupare forståing av skredtreangelet (vær, snødekket og terreng) og kunnskap om menneskeleg faktor. Ferdigheit kring kameratredning utvidast til å omhandle større og meir komplekse scenario med og utan sendar/mottakar, samt å bli kjent med organisert snøskredredning.

Ved godkjent gjennomføring av ekskursjonane kan studentane få Norsk Fjellsportforum (NF) metodekurs skred nordisk/alpint, dersom loggbok tilfredsstiller NF sine krav til opptak på metodekurs.

Ekskursjonar med fokus friluftsliv vegleiing:

• Skiinstruksjon, to dagar
• Vegleiing i vinter-friluftsliv, fire-seks dagar
• Sogndalsdalen, ein dag

Ekskursjonar (nordisk vinterferd):

• Eigenferd nordisk vinterferd, minimum fem dagar 
• Skitur på Jostedalsbreen, tre dagar (NF grunnkurs bre, modul 2)

Ekskursjonar (alpin skiferdsel):

• Toppturar i regionen, tre dagar (NF metodekurs skred)
• Overnattingsekskursjon Jostedalen, tre-fire dagar (NF metodekurs skred)

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har inngåande kunnskap og erfaring om friluftslivs vegleiing som metode
• kunne analysere og reflektere over sitt eige pedagogisk ståstad som utgangspunkt for leiing og læring innan friluftslivskonteksten
• har kunnskap om planlegging, gjennomføring og evaluering av nordisk/alpin skiferd i oversiktleg terreng
• har inngåande kunnskap om terrenget si betyding knytt til nordisk/alpin skiferd
• har inngåande kunnskap om vegvalsvurdering i oversiktleg terreng
• har inngåande kunnskap om systematisk snødekkeundersøking som metode for snødekkevurdering
• har inngåande kunnskap om korleis skredvarsling (varsom.no) nyttast i turplanlegging, gjennomføring og evaluering av nordisk/alpin skiferd
• har inngåande kunnskap om verets betyding for nordisk/alpin skiferd og snødekket si oppbygging
• har inngåande kunnskap om gruppeprosessar og menneskeleg samhandling knytt til nordisk/alpin skiferd
• har inngåande kunnskap om korleis kameratredning og organisert redning gjennomførast

Ferdigheiter

Studenten

• kan tilpasse vegleiing til gruppa si forutsetning og situasjon
• kan vurdere terrenget si betyding knytt til nordisk/alpin skiferd
• kan gjere vurdering på vegval i oversiktleg terreng
• kan systematisk snødekkeundersøking som metode for vurdering av snødekket
• kan nytte skredvarsling (varsom.no) i turplanlegging, gjennomføring og evaluering av toppturar
• kan gjere greie for verets betyding for ferdsel på topptur og snødekket si oppbygging
• kan gjere greie for gruppeprosessar og menneskeleg samhandling knytt til nordisk/alpin skiferd
• kan gi opplæring i kameratredning og bruk av sendar/mottakar - utstyr på grunnleggjande nivå

Generell kompetanse

Studenten

• kan anvende friluftsliv vegleiing som metode for å planlegge, gjennomføre og evaluere trygge turar knytt til nordisk/alpin skiferd i oversikteleg terreng

Krav til forkunnskapar

Ingen

Tilrådde forkunnskapar

Tilrådde forkunnskapar er å vere i god nok fysisk form til å kunne bere eige og felles utstyr på ekskursjonar med overnattingar på barmark og på snø. NF vidaregåande skredkurs eller tilsvarande.

Undervisnings- og læringsformer

Undervisnings- og læringsformene i dette emnet nyttar i stor grad praktisk undervisning ute og ekskursjonar der teori blir integrert gjennom tileigning av praktisk erfaring. Turplanlegging og teori vil og formidlast gjennom førelesingar på campus. Gruppe- og individuelt arbeid inngår og som ein viktig del av emnet.

Obligatorisk læringsaktivitet

• Aktiv deltaking på ekskursjonar (planlegging, gjennomføring og evaluering)
• Skriftleg gruppeinnlevering av turplan til eigenferd nordisk
• Skriftleg eigenrefleksjon knytt til friluftsliv vegleiings rolla

Desse læringsaktivitetane er knytt opp mot læringsutbytta om å ha inngåande kunnskap om friluftsliv vegleiingm, samspelet terreng, snødekke, ver og menneske i samband med vinterferdsel, samt å kunne planlegge, gjennomføre og evaluere trygge turar knytt til nordisk/alpin skiferd.

I samband med ekskursjonar må studentar ved HVL vera førebudd på å betale ein eigendel. Det vert lagt til rette for kompensatorisk arbeidskrav. 

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Individuell munnleg eksamen (30 minutt), med 30 minutt førebuing i forkant av eksamen. 

Karakterskala A-F, der F svarar til ikkje bestått. 

Hjelpemiddel ved eksamen

Skriftleg eigenrefleksjon

Meir om hjelpemiddel