KAS500 Avansert allmennsjukepleie til pasientar med akutte og kritiske helseproblem

Innhald og oppbygging

Emnet har fokus på akutt, kritisk sjuke pasientar i alle aldrar. Etter avslutta emne skal studenten ha avansert kunnskap om fysiologiske særtrekk hjå barn, vaksne og eldre for tidleg å oppdage svikt i vitale funksjonar. Emnet gir kompetanse i vurdering av pasienten sin kliniske tilstand ved hjelp av validerte verktøy og standardisering av observasjonar, skåring og respons. Emnet skal gjere studentane i stand til å sette i verk livreddande fyrstehjelp og førebyggje sjukdomsforverring. Studenten skal få kompetanse i metode for strukturert og sikker kommunikasjon med helsepersonell og med pasient og pårørande, samt om behandlingskjeda i akuttmedisinsk teneste.

Tema for emnet

• Sjukdom og skade i sirkulasjonsystemet, respirasjonsystemet, nervesystemet, det endokrine systemet og i nyrene
• Infeksjonar
• Akuttpsykiatri
• Rus
• Traume
• Farmakologi ved akutt kritisk sjukdom, biverknader og legemiddelinteraksjonar
• Meistringsstrategiar ved akutt kritisk sjukdom
• Tverrfaglig samarbeid/samarbeid i team
• Kliniske undersøkelsesmetoder og standardiserte kartleggings-, vurderings,- og beslutningsverktøy (AHLR, SKUV, NEWS, ISBAR)
• Varsling/kommunikasjon/overgangar i pasientforløpet
• Medisinsk teknisk utstyr/monitorering
• Juridiske rammer, etikk og pasientsikkerheit

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap:

Studenten...

• har inngåande kunnskap om fysiologi, patofysiologi og farmakologi
• har inngåande kunnskap om samanhengen mellom symptom og vitalia hjå barn, vaksne og skrøpelege eldre
• har avansert kunnskap om funksjonstap ved akutt og sub-akutt funksjonssvikt
• har avansert kunnskap om funksjonssvikt, traume og kroppen sin reaksjon på stress
• har avansert kunnskap om alvorleg infeksjon (sepsis), antibiotikabruk og resistensutvikling nasjonalt og internasjonalt
• har avansert kunnskap om legemiddelbruk ved akutt og kritisk sjukdom
• har avansert kunnskap om validerte kliniske kartleggingsverktøy av relevans ved akutt og kritisk sjukdom, inkludert kritisk vurdering av verktøy utvikla i andre land
• har avansert kunnskap om varsling og overgangar i den akuttmedisinske tenesta
• kan anvende kunnskap om medisinteknisk utstyr og monitorering

Ferdigheiter:

Studenten...

• kan kritisk vurdere og bruke kliniske kartleggingsverktøy av relevans ved akutt og kritisk sjukdom, og gjennomføre systematiske undersøkingar for å avkrefte eller oppdage forverring av tilstand (simulering)
• kan tidleg identifisere svikt i vitale funksjonar, inkludert kognitive funksjonar og dokumentere og varsle andre tenester for å sikre nødvendig helsehjelp
• kan analysere etiske utfordringar som involverer pasientar med svikt i vitale funksjonar
• kan formidle og kommunisere faglege problemstillingar ved akutt funksjonstap

Generell kompetanse:

Studenten...

• har innsikt i politiske føring og juridisk regulering i den akuttmedisinske tenesta
• kan gjennomføre samarbeid med pasientar, pårørande og kollegaer i akutte situasjonar

Krav til forkunnskapar

Ingen

Undervisnings- og læringsformer

• Digitale forelesningar
• Undervisning/simulering/ferdigheitstrening på campus
• Seminar med studentframlegg og medstudentrespons
• Gruppearbeid
• Sjølvstudie

Obligatorisk læringsaktivitet

Følgende obligatoriske læringsaktiviteter må være godkjent for at studenten kan framstille seg til eksamen:

1. Framlegg av og respons frå medstudentar på pasientcase
2. Obligatorisk deltaking (minst 80 %) på samlingar, gruppearbeid, simuleringsøvingar og ferdigheitstrening
3. Ferdigheitstest

Godkjende obligatoriske læringsaktvitetar er gyldig i 4 påfølgjande semester.

Vurderingsform

Individuell heimeeksamen, 3 dagar, med eit omfang på 2500 ord +/-10%.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Ny eksamen:

Ny eksamen gjennomførast på same måte som ordinær eksamen.

Hjelpemiddel ved eksamen

Alle

Meir om hjelpemiddel.

Meir om hjelpemiddel