Person ser på blad med forstørrelsesglass

Naturfag 2 | 1.-7. trinn

Vidareutdanning på bachelornivå

Ønsker du å vidareutvikle deg som naturfaglærar? Med denne vidareutdanninga lærer du korleis du kan hjelpe elevane til å forstå omgjevnadene våre og legge til rette for ei berekraftig utvikling i framtida.

Bergen

Hopp til

    Studiepoeng
    30
    Varighet
    1 år
    Omfang
    Deltid 50%
    Studieavgift

    Studieavgift: Nei
    Semesteravgift: Ja

    Søknadsfrist

    15.april

    Søk studieplass

    Opptakskrav og søknad

    Opptakskrav

    Lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning).
    Det er anbefalt å ha minst 30 studiepoeng i naturfag frå tidlegare.

    Kravet om bestått lærarutdanning kan fråvike dersom du berre manglar faget du søker på, for å få fullført lærarutdanninga di.

    Om du søker dispensasjon frå opptakskravet, må det foreligge stadfesting frå tidligare studiestad om at studiet du søker opptak til kan inngå i og føre til avslutta lærarutdanning.

    Alle må ha tilgang til ein skuleklasse. Søkarar utan fast undervisningsstilling må dokumentere tilgang til ein klasse for å kunne utføre obligatoriske læringsaktivitetar i løpet av studiet. 

    Prioritering av søkjarar 

    Søkjarar med innvilga frikjøp til vidareutdanning frå arbeidsgjevar blir prioriterte i opptaket. Dersom det er fleire kvalifiserte søkarar enn tilgjengelege studieplassar, blir søkarane rangerte etter karakterar frå opptaksgrunnlaget. 

    Dokumentasjon på innvilga frikjøp og/eller stadfesting på tilgang til skuleklasse skal dokumenterast med følgjande skjema: Skjema for frikjøp og eller tilgang til ein skuleklasse eller barnehage nn.pdf

    Søknadsfrist er 15. april, og dette er òg fristen for å laste opp all dokumentasjon.

    Frå 2026 er det endringar i stipend- og vikarordninga. Frikjøpsmidlane blir utbetalte til kommunar, fylkeskommunar og private skular.
    Les meir om Endringer i ordningene for kompetanseutvikling fra 2026 | udir.no

    Korleis søke:

    • Logg inn i Søknadsweb.
    • Vel opptak "Lærar, barnehagelærar og tolking".
    • Vel så "Vidareutdanning pedagogiske fag/lærarutdanning haust 2026".
    • Vel studiet du vil søke på frå lista (sjå studienummer under).
    • Trykk på "Legg til" og "Send inn søknad".
    • Last opp dokumentasjon på at du dekker opptakskravet.
    • Trykk "Neste" for å gjere ferdig søknaden. 

    Viktig informasjon om søknad, frister og dokumentasjon

     

    Har du utanlandsk utdanning?
    Søkarar som har utanlandsk utdanning frå land utanfor Norden, må dokumentere at dei oppfyller krav til norsk- og engelskkunnskapar.

    Frå 2023 skal utanlandsk barnehagelærarutdanning og lærarutdanning godkjennast av Direktoratet for høyere utdanning og kompetanse (hkdir.no). Tidlegare godkjenning som barnehagelærar og lærar frå UDIR gjeld framleis.

    Om ledige studieplassar
    Viss det blir ledige studieplassar, må opptakskrav og stadfesting på tilgang til skuleklasse dokumenterast når du søker. 

    Studiekode i Søknadsweb

    9776

    Kvifor studere Naturfag 2?

    Ved å fordjupe deg i naturfag får du mogelegheit til å utvide eigen kunnskap og utvikle deg som pedagog. Du lærer å formidle eit fag som mange barneskuleelevar opplever som komplekst, på ein måte som skapar engasjement og forståing. Denne kompetansen er svært verdifull i læraryrket.

    Kva lærer du?

    Du lærer korleis du kan bidra til å utvikle dei yngste elevane si sansing, oppdagarglede, undring, naturglede og naturfagspråk når dei blir introduserte for naturfag. Du får også innsikt i korleis du kan førebu dei eldste elevane på overgangen til ungdomstrinnet.

    Studiet legg vekt på ei konkret og praktisk tilnærming til naturfagundervisning i grunnskulen.

    Naturfag 2 er delt i to emne:
    Emne 1 blir undervist om hausten og tek for seg tema innan fysikk og kjemi.
    Emne 2 blir undervist om våren og tek for seg tema innan humanbiologi, cellebiologi og evolusjon.

    Les meir i emneplanane om kva du lærer og eksamen:

    Målgruppe

    Naturfag 2 er fastankra i nasjonale retningslinjer for grunnskulelærarutdanninga for 1.-7. årstrinn og læreplan for grunnskulen. Kurset bygger på naturfag 1, og det er anbefalt (men ikkje eit krav) at ein har fullført naturfag 1. Til saman utgjer naturfag 1 og 2 ei årseining i naturfag (60 studiepoeng).

    Praktisk informasjon

    Undervisningsform

    Kvart emne består av tre fysiske samlingar og nokre samlingar på nett, og kvart emne gir 15 studiepoeng. Undervisninga på samlingane vil veksle mellom forelesning, demonstrasjonar, feltarbeid, laboratoriearbeid og diskusjonar. Kursdeltakarane må vere førebudde på sjølvstudium av pensumlitteratur mellom samlingane. 

    Samlingar
    Samlingar for hausten 2026
    Veke 35 - 27. og 28. august. Fysisk samling på Campus Bergen. Kl. 09:15-16:00
    Veke 37 - 11. september. Digital samling. Kl. 09:15-11:00
    Veke 39 - 23., 24. og 25. september. Fysisk samling på Campus Bergen. Kl. 09:15-16:00
    Veke 43 - 23. oktober. Digital samling. Kl. 09:15-11:00
    Veke 46 - 12. og 13. november. Fysisk samling på Campus Bergen. Kl. 09:15-16:00
     
    Samlingar for våren 2027
    Veke 3 - 21. og 22. januar. Fysisk samling på Campus Bergen. Kl. 09.15 - 16.00.
    Veke 6 - 12. februar. Digital samling. Kl. 09.15 - 11.00
    Veke 8 - 24., 25. og 26. februar. Fysisk samling på Campus Bergen. Kl. 09.15 - 16.00.
    Veke 11 - 19. mars. Digital samling. Kl. 09.15 - 11.00
    Veke 14 - 8. og 9 april. Fysisk samling på Campus Bergen. Kl. 09.15 - 16.00.

    Pensum

    Myhre, A. (2015). Klima, energi og miljø.
    Paasche, Ø. og Kolstad, E. (2022) Hva er klima.
    Hansen,P.J K. (2015) "La oss snakke om været" (gratis på nett).
    Ødegaard, M. (2016) På forskerføtter i naturfag.

    Du får meir informasjon om pensum ved studiestart.

    Kvifor ta meir utdanning?

    Eit arbeidsliv i rask endring er ei viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi:

    • ny oppdatert fagleg kunnskap
    • praktiske ferdigheiter innafor ditt fagområde eller et heilt nytt fagfelt
    • personleg utvikling
    • moglegheit for å byggje nettverk
    • eit forhandlingskort i framtidas lønsforhandlingar
    • moglegheit for opprykk i stillingskategori
    • moglegheit for meir ansvar eller nye oppgåver på jobb
    Få tips og informasjon om vidareutdanningar rett i innboksen
    Meld deg på nyheitsbrev

     

    Andre interessante studietilbod

    Vidareutdanningar for lærarar

    Vi har tilbod til deg som er lærar i offentlege og private skular – både i grunnskulen, vidaregåande opplæring og for deg som underviser vaksne i grunnopplæringa.

    Sjå oversikt over alle våre vidareutdanningar og kurs