Publiser forskinga di i Nasjonalt vitenarkiv (NVA)
Nasjonalt vitenarkiv (NVA) er ei nasjonal fellesteneste for registrering og rapportering av forskningsresultat og tilgjengeleggjering av forskingsaktivitet. NVA, som hausten 2025 erstattar forskingsinformasjonssystemet Cristin og det opne institusjonelle arkivet HVL Open, omfattar publikasjonar skrivne av studentar og tilsette. Målet er å gjere forskinga ved høgskulen meir synleg og tilgjengeleg for alle
For tilsette
HVLs Open Access-policy seier at alle vitskaplege artiklar (tidsskriftartiklar) forfatta av HVL-forskarar skal gjerast ope tilgjenglege. Til dette brukar du NVA.
Tilsette lastar sjølve opp publikasjonane sine ved registrering i NVA. Reine Open Access-publikasjonar kan lastast opp i den versjonen forlaget har produsert, mens artiklar i abonnementstidsskrift som regel må lastast opp som manusversjonar. Biblioteket sjekkar kva forlaget tillèt før publisering. Les meir om slik eigenarkivering på Open Access-sida vår ("Hvordan Open Access").
For meir informasjon, last ned rettleiinga Registrere resultat i NVA (Sjå avsnittet "Filer og lisenser").
Publiserer du i skriftserien til HVL, blir rapporten eller notatet arkivert i NVA.
Publisering av doktoravhandlingar
Ph.d.-avhandlingar levert ved HVL, skal arkiverast i NVA. Dette gjeld alle artikkel-baserte avhandlingar, og monografiar når det er mogleg, jf. HVLs Open Access-policy. I NVA blir avhandlinga søkbar gjennom tenester som Oria, og ope tilgjengeleg for forskarar, studentar og andre interesserte.
Slik eigenarkiverer du avhandlinga:
- Logg inn i NVA og søk opp eller registrer avhandlinga di.
- For å laste opp fulltekst av avhandlinga, finn fila (helst i PDF-format) og sjå rettleiinga Registrere resultat i NVA (Avsnittet "Filer og lisenser")
- Avhandlinga blir no sendt til biblioteket, som klarerer henne for arkivering. Artiklar som ikkje er publisert open access, vil i nokre tilfelle ikkje kunne publiserast som del av avhandlinga, men dei fleste forlag aksepterer arkivering av akseptert manusversjon. Upubliserte manuskript blir tatt ut i påvente av publisering.
Om forlaget sin publiserte versjon eller manus kan arkiverast som del av avhandlinga, vil som regel stå i publiseringsavtalen og på nettsida til forlaget. Mange forlag gir også moglegheit for klarering til gjenbruk gjennom copyright clerance center i fall det ikkje er avtalt på førehand – sjå i så fall etter lenka «Reprints and permissions» eller liknande på nettsida for artikkelen.
Monografiar kan som regel arkiverast i sin heilskap, men dersom du planlegg å publisere avhandlingsmanuset som bok på eit forlag, bør du sjekke om dei aksepterer open arkivering av den opphavelege, innleverte avhandlinga, og om dei eventuelt ønsker sperrefrist på sistnemnde.
For studentar
Ønsker du å gjere bachelor- eller masteroppgåva di tilgjengeleg for andre?
Publiser studentoppgåva di i NVA.
