PROCARD – Patient-Reported Outcomes in Cardiology

Som forskingsgruppe kan vi  også vise til ei breitt samansett plattform av nasjonalt og internasjonalt anerkjende forskarar som samarbeider tett i både prosjekt og i publikasjonar. Dette sikrar at forskinga er rota i kliniske dagsaktuelle problemstillingar og bidreg med publikasjonar av høg internasjonal kvalitet for å fremje Høgskulen på Vestlandet (HVL) som ein profesjons- og arbeidslivsretta forskingsinstitusjon.

PROCARD er ei forskingsgruppe som vart formelt oppretta hausten 2009, og vert leia av professor Tone M. Norekvål. Forskinga er knyttet til fylgjande hovedområde:

• Livskvalitet, eigenrapportert fysisk og psykisk helse, helsekompetanse, frailty (skrøpeligheit), søvn og delirium 
• Pasientane si etterleving av livsstils- og behandlingsråd 
• Tilfredsheit med bruk av, og samhandling mellom, helsetenestene 
• Helsepersonells etterleving av lokale og internasjonale retningsliner 

Vi undersøker korleis pasientane opplever behandling i både primær- og spesialisthelsetenesta, og årsakar til at behandlingsråd ikkje vert følgd. Fleirtalet av pasientar som vert diagnostisert med hjartesjukdom klarar ikkje å følge råda for å redusere alle dei kjente risikofaktorane ved hjartesjukdom. Vidare er det ein stor andel av pasientane som ikkje når behandlingsmål for fysisk aktivitet, røykeslutt, blodtrykksregulering eller kolesterolnivå. Årsakane til dette er mange og samansette. 

Vi nyttar både kvalitativ og kvantitativ metode, data fra nasjonale kvalitetsregistre og gjennomfører store nasjonale og internasjonale kohortstudier for å undersøke korleis pasientane erfarer å gjennomgå akutt og kritisk sjukdom, samt korleis dei lever med sin hjartesjukdom. Vi utfører òg kunnskapsoppsummeringar og validerer verktøy for innhenting av pasientrapporterte data. Dette dannar grunnlag for intervensjonsstudiar for å teste ut tiltak til bruk i pasientbehandlinga.

Vidare arbeider vi for å betre ressursutnytting og samhandling, og evaluerer metodar for å redusere eit mogeleg gap mellom forsking og klinisk praksis. Ved å være tett på det kliniske fagfeltet sikrar vi at forskinga vår er rota i kliniske dagsaktuelle problemstillingar.

Utdanning

Forskingsprosjekt

Forskingsgruppeleiar