EXPO Bergen

Kvart år strøymer hundrevis av nyutdanna ingeniørar, teknologar og økonomar ut dørene ved Høgskulen på Vestlandet. Har du lyst til å møte nokre av dei, og sjå hva dei har skrive oppgåver om?

11. juni stiller avgangsstudentane ved Fakultet for teknologi, miljø og samfunnsvitskap ut bachelorprosjekta sine på campus Bergen under EXPO 2025. I år markerer vi også 150 år med ingeniørutdanning i Bergen!

Studentane jobbar med prosjekta gjennom vårsemesteret, ofte i samarbeid med ei bedrift. I prosjekta tar dei i bruk kunnskap og ferdigheiter frå hele studiet og det er realistiske problemstillingar som blir løyste. EXPO består av spennande utstillingar, plakatar og presentasjonar av desse prosjekta.

Utstillinga finn stad i foajéen ved hovudinngangen på campus Bergen.

Dagen blir avslutta med prisutdeling og kåring av dei beste ustillingane. Publikum kan også stemme fram si favorittutstilling gjennom publikumsprisen.

Arrangementet er ope for alle interesserte. Velkommen!

Er du student og skal stille ut under EXPO? Her finn du meir informasjon.

Førebels program

• 10.00: Velkommen
• 10.05: Opning av utstillinga 
• 11.30: Gratis lunsj til studentane
• 14.30: Kake/ kaffi til studentane
• 15.00: Prisutdeling 
• 15.30: Avslutning