Forskings- og innovasjonsutval ved FLKI (FLKI FI-utval)

FI-utvalet skal bidra til at fakultetet har ein heilskapleg strategi innan forsking, utvikling og innovasjon. Vidare skal utvalet bidra til at fakultetet har høg kvalitet i forsking- og innovasjonsarbeidet, og ein samfunnsrelevant portefølje av forskings- og innovasjonsprosjekt som reflekterer fakultetet sin faglege profil og eigenart.

FI-utvalet skal gje råd til dekan/prodekan for forsking og forskingsleiinga i saker som gjeld:

• forskingsstrategi ved fakultetet
  
  
• prinsipp og retningsliner for bruk og fordeling av strategiske midlar innan FoU-området på fakultetet.
  
  
• fordeling av rekrutteringsstillingar på fakultetet i tråd med utviklinga innan FoU og utdanning.
  
  
• ivaretaking av gjeldande prinsipp for tildeling av FoU-tid.
  
  
• organisering og oppfølging av forskargruppene og forskingsprogramma ved 
  fakultetet og tiltak for å utvikle forskingsmiljøa på tvers av institutt, campus og fakultet.
  
  
• tiltak for å styrke rekruttering og gjennomføring i forskaropplæringa.
  
  
• tiltak som kan auke aktiviteten og kvaliteten på forskingsarbeidet ved fakultetet og styrke eksternfinansiert forsking.
  
  
• tiltak som kan styrke forskingskompetansen til dei fagtilsette ved fakultetet.
  
  
• tiltak som kan bidra til auka mangfald blant fagtilsette involvert i forsking.
  
  
• tiltak for å styrke forskingsbasert undervisning og studentdeltaking i forsking.
  
  
• tiltak for å styrke det forskingsbaserte innovasjonsarbeidet ved fakultetet.
  
  
• tiltak for å styrke samhandlinga med profesjonsfelt og arbeidsliv.
  
  
• tiltak for å styrke den internasjonale dimensjonen i forskingsaktivitetane ved
  fakultetet.

Forskings- og innovasjonsutvalet skal bestå av:

• Prodekan for forsking leiar utvalet
• Prodekan for nyskaping og regional utvikling er nestleiar av utvalet
• 4 fagtilsette representantar, éin frå kvart institutt. Vara frå kvart institutt blir oppnemnt.
• 2 eksterne representantar, éin frå praksisfeltet og éin frå UH-sektoren.
• 2 stipendiatrepresentantar med opptak ved fakultetet sitt doktorgradsprogram, Studiar av danning og didaktiske praksisar. Vara blir oppnemnt.
• Forskingsadministrasjonen ved fakultetet er sekretær for utvalet

Utvalet blir oppnemnt for fire år. Eksterne representantar og stipendiatrepresentantar blir oppnemnt for to år. 

Dekan oppnemner utvalet etter forslag frå prodekan forsking. Samansetjinga av utvalet skal vera i samsvar med Likestillings- og diskrimineringsloven § 28 om kjønnsbalanse i offentlege utval.

Følgjande er oppnemnt i perioden 22.01.2026 til 31.12.2029: 

• Prodekan for forsking Oded Ben-Horin leiar utvalet. 
• Prodekan nyskaping og regional utvikling er nestleiar for utvalet.
• Fagtilsett IPRS: Liv Torunn Grindheim (fast), Karin Street (vara)
• Fagtilsett ISLMT: Hilde Hofslundsengen (fast), Jena Lee Habegger-Conti (vara).
• Fagtilsett IIKN: Lydia Heuling (fast). 1 vakant varaverv.
• Fagtilsett IK: Catharina Christophersen (fast), Tine G. Viig (vara).
• Stipendiatar: Espen Hoff Dyngeland (fast). Hanne Maren Meldahl (fast). 2 vakante varaverv. Oppnemnt for 2 år, til 31.12.2027
• Ekstern representant: Andreas Lund, (akademia). Marion Oen (praksisfelt) Oppnemnt for 2 år, til 31.12.2027.
• Representant frå forskingsadministrasjonen ved fakultetet er sekretær for utvalet.