Utdanningsutval

Utdanningsutvalet skal vere ein arena for erfaringsdeling og bygging av kvalitetskultur i fakultetet. Utdanningsutvalet skal gje innspel og råd til dekan i strategiske og politiske utdanningssaker. Utdanningsutvalet kan få delegert mynde frå dekan til å fatte vedtak i utdanningssaker.

Rektor har vedteke at alle fakultet skal ha lik utvalsstruktur på forskings- og innovasjonsområdet. Dekan oppnemner utvalet etter forslag frå prodekan for utdanning, og utdanningsutval ved FLKI blir etablert våren 2026.

Strategisk rådgjeving

  • Bidra til å sikre at utdanningar og studieprogram har høg kvalitet, samfunns- og arbeidslivsrelevans.
  • Bidra til at utdanningar og studieprogram byggjer på fakultetet sin faglege profil og støttar opp strategisk utvikling knytt til internasjonalisering, forskingsbasert utdanning og livslang læring.
  • Gje råd om tiltak for god studentrekruttering og gjennomstrøyming i fakultetet sine utdanningar.
  • Drøfte og komme med innspel til strategiske satsingar for sikring og utvikling av dei tilsette sin utdanningsfaglege kompetanse ut frå fakultetet sine behov.

Kvalitet i utdanning

  • Bidra til oppfølging og vidareutvikling av fakultetet sitt arbeid med utdanningskvalitet.
  • Uttale seg på vegne av fakultetet i saker som gjeld utdanningsfeltet på institusjonsnivå.
  • Komme med råd og innspel til vidareutvikling av HVL sitt kvalitetssystem og tilhøyrande prosessar på institusjon og fakultet.

Læringsmiljø

  • Gje råd om tiltak for godt læringsmiljø og følge opp relevante saker frå HVL sitt Læringsmiljøutval.
  • Følgje opp resultat frå studentevalueringar og kandidatundersøkingar relatert til fakultetet sine utdanningar.

Studieprogramråd

  • Følgje opp saker frå studieprogramråda, og gje råd til dekan om behov for oppfølging på fakultetsnivå.

Samansetjing

  • Leiar: Prodekan for utdanning
  • Nestleiar: Instituttleiar
  • Éin ekstern representant frå UH-sektor
  • To fakultetstillitsvalde studentar
  • Fire fagtilsette representantar, éin frå kvart institutt med samla representasjon frå alle Campus. Vara frå kvart institutt blir oppnemnt.
  • Éin representant frå studieadministrasjonen. Vara blir oppnemnt.
  • Studieadministrasjonen er sekretær for utvalet

Oppnemning

Utvalet blir oppnemnt for to år. Studentrepresentantane blir oppnemnt for eitt år av gangen. Studenttinget oppnemner to fakultetstillitsvalte studentar. Dekan oppnemner utvalet etter forslag frå prodekan for utdanning.

Samansetjinga av utvalet skal vera i samsvar med Likestillings- og diskrimineringsloven § 28 om kjønnsbalanse i offentlege utval.

Møtefrekvens

Det er normalt to møte per semester. 

Sakspapir og protokoll

Sakspapir og protokoll skal publiserast i OpenGov.

Funksjonstid

Utvalet si funksjonstid er to år om gangen. Noverande periode startar frå oppnemningsdato og varer til og med 31.12.2027. For studentrepresentantane gjeld oppnemninga for eitt år. 

Honorar

Deltaking for studentar og eksterne medlemmar blir honorert etter statens regulativ. Fagtilsette får godtgjering i tråd med særavtalen for kompensasjon for deltaking i interne råd og utval ved HVL.