Ti inntrykk frå studietur til Aalborg Universitet 24. januar 2023
Aalborg Universitet er ein god stad å vera og å læra for Høgskulen på Vestlandet. Universitetet på Vestlandet er i emning.
- Aalborg Universitet (AAU) med rektor Per Michael Johansen, prorektor Anne Marie Kanstrup og universitetsdirektør Søren Lind Christiansen i brodden si engasjerte, rause og kunnskapsrike mottaking av reiselaget frå Høgskulen på Vestlandet.
- AAU-modellen for problembasert læring er teken i bruk på alle studieprogram og kviler på følgjande læringssyn: Kunnskap er noko den studerande må tilegna seg aktivt og kan ikkje overførast til passive mottakarar. Læring og konstruksjon av kunnskap vert godt utvikla i samarbeid med andre (dialog, kritikk, gjensidig hjelp). Presentasjon ved professor Thomas Ryberg, professor og leiar av Institute for Advanced Study in PBL.
- Det nye bygget «Innovate» (innflytting hausten 2022), i Thomas Manns Vej 25, ope 24/7 for eit spekter av aktørar i regionen, med moderne lærings- og forskingsareal, og eigne garasjar der studentar med idear og opplegg for nye bedrifter og forretningsverksemd, var i full aktivitet.
- Det misjonsdrivne universitetet. AAU som fyrtårn på Nordjylland med stor regional og nasjonal innverknad og høg samfunnsverdi, kombinert med sterke internasjonale resultat. Presentasjon ved konstituert innovasjonsdirektør Morten Dahlgaard.
- AAU si klimasatsing med talfesta mål om å redusera utslepp innan 2030, og å oppnå klimanøytralitet ikkje seinare enn 2045. Presentasjon ved lektor Søren Løkke, Institutt for planlegging.
- AAU si satsing på, ansvar for og medvit om vedlikehald og utvikling av dansk fagspråk.
- Aalborg Universitet vart skipa i 1974 som svar på ei regional utfordring der behovet for høgare utdanning og forsking skulle bidra til ny vekst og samfunnsutvikling. Problembasert læring vart utvikla frå første stund.
- AAU har i dag fire fakultet som alle bidrog aktivt ved HVL si vitjing: Det Humanistiske og Samfundsvidenskabelige (dekan Rasmus Antoft), Det Sundhedsvidenskabelige (dekan Lars Hvilsted Rasmussen), Det Tekniske Fakultet for IT og Design (dekan Thomas Bak) og Det Ingeniør- og Naturvidenskabelige (dekan Mogens Risholt Poulsen).
- I 2023 leverer AAU «Viden for verden», har fleire campus, og nær 21 500 studentar og om lag 2 300 forskarar.
- Aalborg Universitet er ein god stad å vera og å læra for Høgskulen på Vestlandet. Universitetet på Vestlandet er i emning.