Me gløymer aldri
Høgskulen på Vestlandet markerte 22. juli at det var 15 år sidan terroråtaka i Oslo og på Utøya.
Hanne Kristine Fridtun var leiar i AUF Sogn og Fjordane og sjukepleiestudent i Førde då ho mista livet på Utøya. På føremiddagen 22. juli tala og samtalte me, og la ned fem roser ved minneplata for Hanne Kristine ved inngangspartiet til HVL på Vie i Førde.
Om ettermiddagen, klokka 18:00, tok HVL del i eit fellesarrangement med AUF Vestland, Sunnfjord Arbeidarparti og LO i Sunnnfjord på rådhusplassen i Førde.
