Godt nytt år alle saman!

Takk for fellesskap, arbeid og samarbeid i året som gjekk. Måtte 2026 verta det aller beste året til no.

I dag, 1. januar 2026 gjekk HVL inn i sitt tiande arbeidsår. Det er eit viktig år. Me har vår søknad om å verta godkjent som universitet til vurdering i NOKUT og vonar på ei avgjerd dette året.

Universitet eller høgskule; me har uansett høge ambisjonar for utdanning og forsking, formidling og nyskaping.

Med grunnlag i campus i Bergen, Førde, Haugesund, Sogndal og på Stord, har me innverknad lokalt, regionalt, nasjonalt og internasjonalt.

Eg ønskjer at studentar og tilsette lukkast med arbeidet, og får oppleva at strev og innsats gir auka kunnskap, meining og glede.

I året som gjekk talde me 16 850 studentar

Førde: 720, Sogndal: 2330, Bergen: 11080, Stord: 945, Haugesund: 1775.

Dei tilsette årsverka talde 1832

Førde: 90, Sogndal: 324, Bergen: 1099, Stord 149, Haugesund: 170

Det skal verta godt å koma i gang i det nye året og gjera visjonen vår til røyndom:

KUNNSKAP SOM BYGGJER MENNESKE OG SAMFUNN.