Kunsten i Høgskulen på Vestlandet
Dei siste dagane har det til dømes dukka opp nye verk og figurar på Kronstad, side om side med vel etablerte kunstverk. I 2020 kom Kunst i offentlege rom (KORO), staten sitt fagorgan, med eiga bok om Kunst på Campus Bergen.
Det siste året har me arbeidd med å skipa eit nettgalleri for kunsten vår og arbeidet går vidare i vinter. Snart er nær 300 verk registrert og fotografert. I galleriet kan ein søka på kunstverk med utgangspunkt i namn på kunstnar, kunstverk, bygg eller uteområde.
Parallelt med registrerings- og fotograferingsarbeidet vert ulike kunstgjenstandar i høgskulen kartlagt og sikra tryggare og meir verdige utstillingsvilkår.
Prosjektleiar er Haakon Georg Moe og han dreg vekslar på fleire bidragsytarar i høgskulen.
Ta gjerne ein kikk på nettgalleriet.
Og ver velkommen til verkeleg kunstsafari på våre campus i Bergen, Førde, Haugesund, Sogndal og på Stord.