Over fleire år har HVL hatt eit godt samarbeid med forskingsinstituttet NORCE. Fredag 15. november møtte eg konsernsjef Camilla Stoltenberg og me signerte ein ny samarbeidsavtale, ein avtale som strekkjer seg fram til 2030.
Både NORCE og HVL har fine forskingsmiljø innanfor energi, helse, klima, miljø, samfunn, oppvekst og teknologi. Samarbeid gir styrke.
Det er lett å nemna Energiomstilling Vest og Senter for omsorgsforsking. Tilsvarande er det lett å løfta fram viktige samarbeidsprosjekt om klima og teknologi, og innovasjon i helsesektoren.
Forskinga går føre seg i skjeringsfeltet mellom grunnforsking og anvendt forsking. Sterke fagmiljø samarbeider, etablerer ny kunnskap og finn nye løysingar.
