Olav Åm Risa og Tibbe Vaartjes studerer elektroingeniør ved Høgskulen på Vestlandet i Bergen. I likskap med veldig mange andre studentar ved HVL, trivast dei godt på biblioteket.

Studentane nyttar campus

Det er mykje å gleda seg over i årets Studiebarometer for Noreg og HVL.

Særleg godt er det å sjå at studentane nyttar våre fine campus i Bergen, Førde, Haugesund, Sogndal og på Stord, og at so mange studentar er nøgde med utdanninga. Læringsmiljø og arbeidsmiljø vert styrka av at studentane er på campus.

Les meir på nettsiden til HVL

Sigrun Aasland, statsråd for høgare utdanning og forsking, har oppmoda høgskular og universitet om å arbeida for å å få studentane tilbake til campus. Det gjer me og det vil me halda fram med. Høgare utdanning og danning høyrer saman.

Men nett dette med fysiske møte og deltaking er særleg viktig i tida me lever i, ei tid prega av beredskap, geopolitisk uro, høg grad av digitalisering, daglege freistnadar på å spreia mistillit til medmenneske, og press på demokratiet.

I dialogen mellom statsminister Jonas Gahr Støre og historikaren Timothy Snyder fekk deltakarane på Vestlandskonfernansen denne veka fekk ei varig påminning om den høge verdien av daglege direkte møte mellom menneske.

"Make eye contact and small talk" er grunnleggjande lærdom frå Snyders moderne og altfor aktuelle klassikar "On Tyranny. 20 Lessons from the Twentieth Century."