Akademisk fridom og institusjonell autonomi

Utsegn frå Universitets- og høgskolerådet om akademisk fridom og institusjonell autonomi. Til nynorsk i høve nynorskdagen 12. mai.

UHR ser med uro på at akademisk fridom står under press, også i land der desse verdiane har blitt tekne for gjevne.

Når styresmakter stiller politiske krav for å gi økonomisk støtte til universitet og høgskular, kan det svekkja både den akademiske fridomen og sjølvstendet til institusjonane. Slike krav kan også føra til mindre tillit til forsking og høgare utdanning. Akademisk fridom og institusjonane sin rett til å styra seg sjølve er viktig både for samfunnet og demokratiet.

Frie universitet og høgskular er avgjerande for å forstå og løysa store samfunnsutfordringar – som klimaendringar, pandemiar og sosial ulikskap. Det trengst meir internasjonalt samarbeid for å dela kunnskap, forskingsdata og for å leggja til rette for student- og forskarutveksling.

UHR oppfordrar universitet over heile verda til å verna om akademisk fridom, ytringsfridom og retten til å utveksla idear. Vi vil halda fram med å støtta våre samarbeidspartnarar internasjonalt i arbeidet for frie og uavhengige universitet.

Vedteken av styret i UHR i april 2025. Publisert 29.04.2025