Ved stortingsvalet i 2021 førehandsrøysta eg på Torgallmenningen i Bergen. I år førehandsrøysta eg på heradshuset i Sogndal. Valansvarleg i Sogndal kommune, Reidun Sørestrand Hågvar, såg til at alt gjekk lovleg føre seg.

Val og førhandsrøysting

Valdagen 11. september nærmar seg. Førehandsrøysting er mogleg fram til og med 8. september. Ordninga legg til rette for høg valdeltaking og god utvikling av demokratiet vårt.

Mange av studentane ved Høgskulen på Vestlandet er ikkje i eigen heimkommune på valdagen. Dette gjeld også for fleire av våre tilsette. Eg er difor glad for den aktive tilrettelegginga vertskommunane våre gjer.

Bergen kommune, Haugesund kommune, Sogndal kommune, Stord kommune og Sunnfjord kommune legg alle godt til rette for førehandsrøysting. I Bergen, Førde og i Sogndal, går det jamvel an å røysta inne høgskulens eigne lokale.

Godt val til alle!