Stiller til val med særskilde saker

På stand på Kronstad møtte eg fem fine HVL-studentar som engasjerer seg og stiller til val for Studenttinget på Vestlandet.

Bård-Halvor Risa Bakke går tredje året på bachelor i landmåling og eigedomsdesign. Han stiller til val som tillitsvald ved Institutt for bygg, miljø- og naturvitskap og vil arbeida for betre fysiske arbeidsmiljø som til dømes fleire arbeidsplassar, stikkontaktar og inne-miljø for studentar.

Sindre Øyro går andre året på bachelor byggingeniør og stiller som kandidat til Studenttinget på Vestlandet (STVL). Som tillitsvald vil Sindre arbeida for eit betre læringsmiljø og meir campusaktivitet utanom studiet.

Janne Fagerland Sjursen går femte året på grunnskulelærarutdanninga og stiller som kandidat til STVL. Som tillitsvald vil ho arbeida for trivsel og engasjement mellom studentane.

Hanna Andreassen går første året på grunnskulelærarutdanninga og stiller som kandidat til STVL. Som tillitsvald vil ho arbeida for fleire studentbustadar, døgnope campus, og for at alle studentar skal verta sett og høyrt.

Vilde Dohmen Berg går tredje året på bachelorutdanninga i økonomi og administrasjon, og stiller som kandidat til STVL. Som tillitsvald vil ho arbeida for å få tilbake ordninga med dobbel studierett.

Godt val!