Full rulle med studentopptak
Det er full rulle med studentopptak til komande studieår ved Høgskulen på Vestlandet HVL. Eit rikt spekter av utdanningar ved campus i Bergen, Sogndal, på Stord, i Haugesund og i Førde skal ta opp nye studentar.
Sentralt i arbeidet står analyse av opptakstal frå Samordna opptak, fylling av ledige studieplassar, særskilt vurdering av søkjarars eksamenar og kvalifikasjonar, direkte kontakt både på e-post og telefon med studentar som tek kontakt, og kommunikasjons- og marknadsføringsarbeid på ulike plattformer.
Når opptaket vert kunngjort 25. juli klokka 11.00 har eit lag av administrative medarbeidarar frå ulike spesialfelt i høgskulen gjort grunnleggjande arbeid. Det er eit arbeid som held fram heilt til studiestart 15. august.
Arbeider med studiestart: Ildrid Either Børte, Knut Mortveit og Emil Grutle Nilsen. Foto: Gunnar Yttri