Klok digitalisering

Dette er areal med eit spekter av moderne teknologi som studentar og tilsette kan låna og prøva ut. Det kan skje i eige arbeid, for læring eller utforsking, sjølvstendig eller med rettleiing frå ekspertise, individuelt eller i grupper. Men verktøya kan også nyttast til leik og moro. Øving gjer meister.
 
Me ønskjer også gjera areal og teknologien tilgjengeleg for våre samarbeidspartar i offentleg og privat sektor.

Om ny teknologi verkeleg skal vera eit godt hjelpemiddel for menneske og samfunn, må teknologien takast aktivt i bruk slik at me kan oppnå våre mål og den ønskte utviklinga. Dette er eit grunnprinsipp som ligg til grunn for satsinga vår på læringslabbar.

Tilsvarande perspektiv ligg til grunn når me i vinter tilbyr alle tilsette i HVL kurset Kunstig intelligens i utdanning. Klok bruk av kunstig intelligens i utdanning, forsking og formidling kan styrka oss i utføringa av vårt samfunnsoppdrag. Innsikt og forståing for teknologiens grunnprinsipp, og evne til å ta han i bruk i eigen praksis, er viktige vilkår for at dette skal kunna skje.

Les meir om opninga i Førde