MØTE OG LUNSJ I HAUGESUND RÅDHUS: Gunnar Yttri (rektor HVL), Marcus Bentin (dekan, Faculty of Maritime Sciences, Hochschule Emden-Leer), Arne-Christian Mohn (ordførar Haugesund kommune), Sverre Meling jr. (dagleg leiar i Maritimt forum for Haugalandet og Sunnhordland), Torbjørn Roloff Heyerdahl (dekan, Fakultet for økonomi og samfunnsvitskap, HVL), Annette Sæther (næringssjef Haugesund kommune), Gerhard Kreutz (professor Hochschule Emden-Leer), Jorunn Steensnæs (assisterande instituttleiar i institutt for maritime studium, HVL), og Wenke Meyer (programkoordinator Hochschule Emden-Leer). Foto: Terje Rudi, HVL.

Viktig internasjonal fellesgrad

Mastergradsutdanninga i maritime operasjonar som Høgskulen på Vestlandet har saman med Hochschule Emden/Leer hadde fin oppstart ved campus Haugesund måndag 28. august.

Masterstudiet er på heiltid og utgjer 120 studiepoeng. I 1. semester går undervisninga i Haugesund , medan 2. semester er i Emden/Leer. Etter første studieår vel ein profil, og valet bestemmer kvar ein fortset som student. Ved HVL kan ein velja profilen «maritime technology and management» og ved Hochschule Emden-Leer kan ein velja profilen «sustainable maritime operations».

Undervisninga er samlingsbasert, med tre til fem samlingar per semester. Studiet stiller store krav til sjølvstudium, og all undervisning er på engelsk.

Programmet har uteksaminert studentar frå Tyskland, Polen, Norge, Finland, Nederland, Brasil, India, Nepal, Spania, Pakistan, Nigeria, Kongo, Tyrkia og Egypt.

Samarbeidet mellom institusjonane har i alle år vore svært godt.

Ekstra kjekt i dag at ordførar Arne-Christian Mohn i Haugesund kommune inviterte våre gode samarbeidspartnarar frå Hochschule Emden-Leer til lunsj i Haugesund rådhus.