På biletet ser me frå venstre rektor Gunnar Yttri, Frode Ingvaldstad, rådgjevar i KS, Odd Stangeland, leiar i fylkesstyret Rogaland KS og ordførar i Eigersund kommune, Dagny Sunnanå Hausken, fylkesstyremedlem og varaordfører i Stavanger kommune, Vibeke Vikse Johnsen Johnsen, medlem i kommunedirektørutvalget og rådmann i Karmøy kommune) Elin Wetås de Jara , spesialrådgjevar i KS, og Helene Arholm, regiondirektør i KS Vest Norge. (Fotograf: Frank Krogh Kongshavn). Trine Meling Stokland, medlem i fylkesstyret KS og varaordførar i Haugesund kommune tok del i møtet, men var ikkje til stade ved fotografering.

Samarbeid med kommunane - ein berebjelke

Høgskulen spelar ei stor og viktig rolle i Vestlandet sin tilgang på kompetanse. Tre av fire av våre kandidatar vert verande i regionen etter fullendt utdanning.
  • Utbygginga av campus Haugesund
  • Rekruttering av barnehage- og grunnskulelærarar
  • Rekruttering til helsefag
  • Bygginga av Universitetet på Vestlandet.

Slik såg dagsorden ut då eg møtte KS Rogaland med fylkesleiar Odd Stangeland og regiondirektør Helene Arholm i brodden denne veka i Haugesund.

Samarbeidet mellom kommunane og Høgskulen på Vestlandet HVL om praksisplassar og kunnskapsbygging er ein berebjelke både i velferdskommunens og høgskulens utvikling. Høgskulen spelar ei stor og viktig rolle i Vestlandet sin tilgang på kompetanse. Tre av fire av våre kandidatar vert verande i regionen etter fullendt utdanning. Men me ser at kommunar strevar med å få tak i nok og rett arbeidskraft. Våre kandidatar er ettertrakta, behova i kommunane er mange og store.

Då er det godt å drøfta aktuelle problemstillingar og moglege løysingar med røynde, ansvarsfulle og kunnskapsrike aktørar.

Takk for møtet, gode KS-folk!