Samtidsdagane 2023
I 15 år har Samtidsdagane på campus Stord løfta fram viktige tema og sterke stemmer.
Med utgangspunkt i vårt gode fag- og studiemiljø på Rommetveit har arrangementet vakse fram og utvikla seg. Hundrevis av studentar, tilsette og elevar frå vidaregåande skular og folkehøgskular i regionen, og menneske i arbeidslivet ikring, tek del.
Foto: Gunnar Yttri
Årets program har psykisk helse og FNs berekraftsmål som tema, og er kopla saman med sirkulærdagen på campus Stord og berekraftsvekene i Stord kommune.
Samtidsdagane finn fin plass innanfor Høgskulen på Vestlandet HVL sin nye strategi gjeldande frå 2023 til 2030. Visjonen vår er enkel, men talande: Kunnskap som byggjer menneske og samfunn.
Frå foredraget "Vår vei ut" v/Kari Løvendahl Mogstad. Foto: Gunnar Yttri