Kjære student!
Hjarteleg velkommen til Høgskulen på Vestlandet og nytt studieår! Velkommen til deg som er ny og til deg som alt studerer hjå oss. Takk for at du satsar!
Med moderne campus i Bergen, i Førde, i Haugesund, i Sogndal og på Stord – med nær 17 000 studentar og 2000 tilsette – er HVL etter rektor sitt syn den aller finaste utdanningsinstitusjonen. Om ikkje so lenge vert me Universitetet på Vestlandet (Univest) – ditt universitet.
Eg håpar du får gode studieår hos oss både fagleg og sosialt. I HVL vil me gjera vårt beste for at utdanninga di held den aller beste kvaliteten.
Eg vil oppmoda deg om å ta del på studiestarten 11. august og velkomstveka.
Høgskulen på Vestlandet vert rikare med deg til stades!
Hjarteleg til lukke med studieåret 2025-2026!
Beste helsing
