Studiestart hausten 2017

Den offisielle opninga av studieåret ved HVL for nye studentar på grunnutdanningane, er 14. august. Master-, deltids- og vidareutdanningar kan ha andre oppstartsdatoar.

For deg som er førsteårsstudent er det obligatorisk oppmøteregistrering på campus ein av dei første dagane i semesteret. Viss du ikkje kan møte til registrering den oppsatte dagen, må du få godkjent fråværet før studiestart ved å sende e-post til opptak@hvl.no. Dersom du ikkje møter til registering, og ikkje har fått godkjent fråvær, mister du studieplassen.

Sjekk oppstartsprogram og tidspunkt for registrering på din campus:

Sjekkliste før studiestart

1. Semesterregistrer deg

I veke 31 mottar du ein SMS med ein pinkode. (Dersom du får opptak etter 20. juli vil du normalt få SMS tilsendt innan ei veke etter at svarfristen har gått ut.) Når du har mottatt pinkoden loggar du på StudentWeb for å semesterregistrere deg. Kontroller at kontaktinformasjonen stemmer. Lag faktura for semesteravgift. Meld deg opp til undervisning og vurdering (eksamen), enten ved å godkjenne utdanningsplanen eller ved å legge inn emne manuelt.

Siste frist for semesterregistrering og betaling av semesteravgift er 1. september 2017.

2. Aktiver brukarkontoen din

Ved å aktivere brukarkontoen din får du tilgang til IT-verktøy som e-post, Office 365, læringsplattform (Fronter / itslearning), anna programvare og trådlaust nett på campus. Du aktiverer brukarkontoen din ved å logge på (frå 21.juni) og lage deg eit passord. Logg på med brukarnamn (studentnummer) og pinkoden som du fekk på SMS etter du takka ja til studieplass.

3. Last ned studentbevis-appen

Studentbevis-appen beviser at du er registrert som student dette semesteret.  Appen fungerer som studentbevis hos mellom anna studentsamskipnaden og kollektivtransportselskap.

Du vil framleis trenge eit studentkort, til dømes for å komme inn i bygga våre på kveldstid og i helgene, låne bøker på biblioteket og bruke skrivarane våre. Studentkorta blir produsert kort tid etter studiestart.

4. Treng du politiattest og medisinsk testing?

På ein del studium er det krav om at du skal legge fram politiattest. Det vil stå i tilbodet om studieplass om ditt studium krev politiattest, og kva type politiattest du treng.  Du søker om politiattest elektronisk via politiet sine nettsider.

Studentar som skal ha praksis eller klinisk undervisning ved sjukehus, sjukeheim og andre buformer med heildøgns pleie, pliktar å gjennomgå undersøking for MRSA og tuberkolose. Les meir om medisinsk testing.

5. Søk om bustad, stipend og lån

Treng du hybel? Sjekk boligtorget.no for ledige studenthyblar, eller hybel.no for hyblar på privatmarknaden. Hugs å melde adressendring hos Posten!

Så snart du har fått tilbod om studieplass, kan du søke om lån og stipend hos Lånekassen. Du må ha betalt semesteravgift og fullført
semesterregistreringa for å få utbetalt stipend og studielån.

6. Bli kjend med studieplan og pensum

Gjer deg kjent med studieplan og pensumliste for studiet ditt. Det kan vere lurt å vente til studiestart med å kjøpe bøker, då det kan bli endringar.

7. Sjekk viktige informasjonskanalar

Få oversikt over dei ulike informasjonskanalene du skal bruke som student: Studentweb, læringsplattform (Fronter/itslearning), student e-post og For studentar på hvl.no.

8. Treng du tilrettelegging eller nokon å snakke med?

Har du lese- og skrivevanskar, ei funksjonsnedsetting, sjukdom, skade eller anna som gjer at du treng tilrettelegging i undervisning, i praksis eller under eksamen? Sjå kva type tilrettelegging du kan få.

Som student kan du få studierettleiing hos studiekonsulentane våre. På Karrieresenteret kan du få karriererettleiing. På campus Førde, Haugesund, Stord og Sogndal har vi også studentrådgivarar du kan snakke med om personlege og private forhold i livs- og studiesituasjonen din. Les meir om dei ulike rettleiingstenestene.

9. Bli kjent med fadderordninga

Gjennom fadderordninga og fadderveka gjer vi det
vi kan for at du skal få ein god start på studietida di ved HVL. Les meir om fadderordninga og dei ulike studentforeningane som står klare for å ta i mot deg på kvar campus på studentlivsidene.

10. Sjekk timeplan og tid for oppmøte

Studiestart for nye fulltidsstudentar på grunnutdanningane er måndag 14. august. Master-, deltids- og vidareutdanningar kan ha andre oppstartsdatoar. Sjekk oppstartsprogrammet på din campus.

Sjå også akademisk kalender for 2017/2018 og timeplanen.

Vi står klare til å hjelpe deg

Har du studierelaterte spørsmål, eller treng du informasjon og rettleiing om opptak, utdanningsplan, tilrettelegging, praksis eller utveksling, kan du kontakte Servicetorget på din campus for hjelp.

For IT-hjelp og spørsmål knytt til programvare, utskrift eller anna, ta kontakt med IT-hjelpen.