Tresemesterordninga; det er sommaren sin det!
Kurset er grunnleggjande i tresemesterordninga. Ordninga gir folk med generell studiekompetanse høve til å koma i gang med ingeniørutdanning i august. Ved oppstart i august må dei aktuelle studentane i tillegg ta kurs i fysikk, og fullfører ingeniørutdanning på ordinær tid, altså 3 år.
Høgskulen på Vestlandet har tresemesterordning i Førde og i Haugesund.
I Haugesund møtte eg Harald Spångberg og Per Fredrik Lennart Hemmingsson som ser til at sommar-kurset kjem godt i gang. Harald er assisterande instituttleiar ved Institutt for datateknologi, elektroteknologi og realfag, Per Fredrik er tilsvarande ved Institutt for sikkerheit, kjemi- og bioingeniørfag. Nær førti personar er i gang med sommarkurset i matematikk. Opplegget er to timars intensiv undervisning fem dagar i veka, etterfølgt av sjølvstendige rekneoppgåver, og der det er høve til rettleiing. Heile dagane vert nytta. I tillegg følgjer studentassistentar opp. Dette er studentar som kan ausa av eigne nyvunne erfaringar og hjelpa kursdeltakarane vidare.
Tresemesterordninga; det er sommaren sin det!
Lukka til med gjennomføring til alle som satsar.