Jeanne Helene Boge

Arbeids- og kompetanseområde

Eg er professor i sjukepleie ved Master i klinisk sjukepleie, Høgskulen på Vestlandet (HVL).

UTDANNING: Eg er intensivsjukepleiar med mellomfag i filosofi, praktisk pedagogisk utdanning og mellomfag, hovudfag og doktorgrad i sjukepleievitskap.

FORSKING: Eg har initiert og leia ei rekkje studiar. Forskinga mi har hovudsakleg omhandla hygiene, kroppsleg reinsemd, sjukepleieutdanning og arbeidstilhøva i multikulturelle sjukeheimar. Studiane har vanlegvis hatt eit samfunnsvitskapleg og historisk perspektiv. Eg er med-redaktør i tidsskriftet Praxeologi og har vore fagfelle i ei rekkje tidsskrift. Dei siste 10 åra har eg vore ein del av forskingsgruppa Tjenesteforskning ved Senter for Omsorgsforskning Vest, HVL og forskingsgruppa Praxeologi ved Universitetet i Bergen (UIB). I begge forskingsmiljø arbeider ein hovudsakleg med eit samfunnsvitskapleg perspektiv på helse, sjukdom og sjukepleie.

PEDAGOGISK ERFARING: Eg har omfattande erfaring med utdanning-, vegleiing og sensurering på bachelor-, vidareutdannings-, master – og ph.d. nivå i sjukepleie.

OPPONENT/KOMMISJONSARBEID: Eg har vurdert fleire phD studiar, vore opponent og leiar for-/medlem av fleire kommisjonar som vurdert søkjarar til vitskaplege stillingar.

PASIENTNÆRE ERFARINGAR: Eg har arbeidd pasientnært i sjukeheim, heimesjukepleie, på intensiv, post operativ, akutt mottak og på Noregs fyrste smerteklinikk ved Haukeland sjukehus i Bergen.