Martin Håtuft Solberg

Arbeids- og kompetanseområde

Eg arbeider som universitetslektor i sykepleie ved HVL, med særleg ansvar for undervisning og rettleiing innan psykisk helse og rus. Fagområdet engasjerer meg fordi det kombinerer klinisk kompleksitet, relasjonelt arbeid og ei sterk etisk dimensjon, og fordi det gir store moglegheiter til å styrke studentane si faglege tryggleik i møte med sårbare pasientar.

Eg brenn for å utvikle læringsformer som utfordrar, engasjerer og gjer studentane meir aktive og reflekterte. I undervisinga bruker eg i stor grad studentaktive metodar der studentane må hente informasjon, analysere og reflektere over komplekse situasjonar. Her nyttar eg gjerne VR, KI og simulering som pedagogiske verktøy for å fremje etisk kompetanse, klinisk dømmekraft og djupare forståing. Dette inkluderer prosjekt som undersøker korleis VR kan støtte refleksjon og styrke sykepleiefagleg kompetanse, samt arbeid med å auke AI readiness blant studentar og lærarar gjennom forsking, kartlegging og internasjonalt samarbeid.

Eg er involvert i fleire utviklings- og forskingsprosjekt ved HVL, mellom anna:

• AI readiness i helseutdanning, med bruk av verktøy som MAIRS-MS og utvikling av eit eige kartleggingsverktøy for helsearbeidarar.

• VR og simulering, der vi utforskar korleis VR og simuleringsmetodikk kan styrke læringsutbytte i psykiatri, særleg knytt til deeskalering og etisk bevisstheit.

• Digital helse, literacy og kompetanseutvikling, i samarbeid med både nasjonale og internasjonale partnarar.

• Erasmus+, der vi samarbeider med fleire land for å vidareutvikle kompetanse på bruk av kunstig intelligens innan helse- og teknologifag.

Eg er særleg oppteken av samanhengen mellom digital health literacy, AI literacy og framtidas kompetansebehov i helsetenesta. Det er viktig for meg at studentane ikkje berre lærer om teknologi, men lærer med og i møte med teknologi på ein måte som styrkar klinisk skjønn, etikk og forståing av pasienten sin situasjon.

I tillegg har eg eit sterkt engasjement for barn og unge si psykiske helse, noko som pregar både min kliniske bakgrunn og dei pedagogiske perspektiva eg tek med inn i undervisinga.

Gjennom undervisning, forsking og utviklingsarbeid ønskjer eg å bidra til eit læringsmiljø som er utforskande, inkluderande og framtidsretta, og som rustar studentane for ein helse- og velferdssektor i rask endring.