KLAPP
Eit program til støtte for personalet sitt arbeid med livsmeistring i skulen
Programmet skal gjere lærarar tryggare på ansvaret sitt for å skape eit godt psykososialt læringsmiljø, og slik støtte elevane si utvikling av god psykisk helse.
HVL har sidan 2016 mottatt årleg støtte til KLAPP frå Helsedirektoratet sitt program «Psykisk helse i skulen» på nesten fem millionar kroner. Midlane finansierer utviklingsarbeidet, inkludert frikjøp av kurshaldarar, utvikling av kursmateriell og ei nettside for skulane som deltar.
Fram til no har det vore skular i region Sogn og region Voss/Hardanger som har fått gjennomført KLAPP.
KLAPP er i ferd med å bli integrert i DeKomp (desentralisert ordning for kompetanseutvikling i skulen) som HVL er nasjonal koordinator for.
Solrun Samnøy, høgskulelektor og stipendiat, har utvikla kompetanseutviklingstiltaket KLAPP
