Produktive spørsmål
Det viktigaste når ein utforskar naturen saman med barn, er å la dei få sine eigne opplevingar i sitt eige tempo.
Når dei er i gang med å utforske, kan du stille spørsmål som bidreg til læring. Desse spørsmåla bør vere produktive, slik at dei …
- Gjer barna meir merksame og får dei til å observere
- Har du sett auga til krabben?
- Korleis kjennest gjørma ut?
- Kva luktar teposen?
- Oppmod barna om å telje og måle
- Kor mange nøtter har du?
- Kor stor er deigen no?
- Kor mange skeier bakepulver treng vi for å lage denne vulkanen?
- Oppmod barna til å samanlikne og utforske skilnader
- Ser alle lauva like ut?
- Korleis skil dei seg frå kvarandre?
- Kva er skilnaden mellom …?
- Lei fram til vidare utforsking
- Kva skjer dersom du held eit glas over eit brennande stearinlys?
- Kva skjer dersom du legg ein isbit i vatn?
- Formuler ei problemstilling
- Korleis kan du finne ut kva skrukketrollet et?
- Korleis kan denne leira formast for å kunna flyta?
- Oppmod barna om å kome med forslag eller hypotesar.
- Kva trur du vil skje med dette glaset med vatn dersom det får stå i vindauget i nokre dagar?
- Kvifor trur du det?
- Oppmod barna om å trekkje konklusjonar.
- No har vi altså lært at magnetar har ein nordpol og ein sørpol. Kva skjer dersom vi skyv to nordpolar saman?
- Oppmod barna om å dokumenter og kommunisere.
- Korleis kan du forklare det du lærte, til Tommy, som ikkje var her i går?
(Elstgeest, 1996).
I denne miniførelesinga kan du sjå korleis Oda Bjerknes brukar produktive spørsmål i ein samtale med barn om ein meitemark: