Reis miljøvenleg på Erasmus+

Reis miljøvenleg til Erasmusutveksling og utvid opphaldet med ei reise gjennom Europa. Du får ekstra reisestipend frå Erasmus+ og med HVLs miljøstipend på toppen har du råd til ein interrailbillett i Europa.

Vilkår for deltaking

  • Trekkinga er open for høgskulen sine studentar som har fått innvilga plass på utveksling gjennom Erasmus+. Dette gjeld studentar som tar anten fag eller praksis, uavhengig av lengde på utvekslinga. 
  • Du kan delta ein gong per utveksling du er på.
  • Med miljøvenleg transport reknast buss, tog sykkel eller samkjøring. Viss du vel andre miljøvenlege løysingar må du ta kontakt med international@hvl.no.

Nytt gjerne ein reisekalkulator, som for eksempel Klimatsmart Semester, for å  sjå korleis du kan gjere utvekslinga di så klimavenleg som mogleg. 

Korleis deltek du? 

Registrer at du skal reise miljøvenleg i appen innan 1. februar for vårsemesteret, og innan 1. september for haustsemesteret. 

Send kvitteringar i etterkant. Dato for reisa må vere synleg på reisebeviset. 

Tildeling

Det vert delt ut stipend på kr 3000 frå og med hausten 2025.  

Utbetaling

For å få utbetalt stipend må alle bevis på miljøvenleg reise sendast inn til international@hvl.no innan 10. august (for utveksling i det føregåande vårsemesteret) eller 10. februar (for utveksling i det føregåande haustsemesteret). Dersom ein student ikkje har gjort heimreisa innan desse datoane, kan kvittering for planlagt reise sendast inn. 

Offentleggjering 

Vinnarane av miljøstipendet blir kontakta per e-post for organisering av utbetaling. Tildelinga kan òg verte publisert på HVL sine nettsider og i sosiale media. 

HVL oppmodar om at du anten tar ein takeover på Instagram eller sender oss bilete slik at HVL kan dele frå reisa di.

Atterhald  

  • Dersom bevis for gjennomført reise ikkje er tilstrekkeleg eller truverdig kan HVL krevje stipendet tilbake.