Fadderordninga i Førde

Gjennom fadderordninga og fadderveka gjer vi det vi kan for at du skal få ein god start på studietida di på campus Førde.

Som ny student blir du del av ei studiumvis faddergruppe, med ein 2. eller 3. årsstudent som din fadder. Dei første dagane vil du og faddergruppa di få omvisning på campus og i Førde. Det blir ulike sosiale samlingar for faddergruppa, og større samlingar for alle nye studentar.

Vi oppfordrar deg til å ta del i mykje av det som skjer i faddergruppa og fadderveka, slik at du fort blir kjent med andre! 

Program for fadderveka

Det vil bli arrangert konsertar og ulike aktivitetar og turar. Programmet blir lagt på denne sida i løpet av sommaren. Du vil også finne det på studentkroa Akutten si facebookside.  

Når det nærmar seg studiestart vil det bli oppretta ei facebookgruppe for nye studentar ved campus Førde.