Campus Sogndal

Med 2 300 studentar er Sogndal ein oversiktleg og inkluderande studiestad der det er lett å bli kjent med andre.

Noko av det studentane våre er mest fornøgde med, er den tette kontakten mellom lærar og student. Lærarane kan namnet ditt, og dørene er stort sett alltid opne dersom du lurer på noko. Dette er éin av mange fordelar med å studere ved ein mindre campus.

Høgskulebygget inneheld mykje av det du treng for å vere ein god student, og størstedelen av bygget er døgnope. Vi har eit stort bibliotek- og læringssenter der du finn arbeidsplassar med og utan datamaskiner, lesesal, grupperom og ikkje minst eit stort utval av bøker og fagtidsskrift. Grupperom bestiller du i TimeEdit

Kantina er open kl. 09-17. Grunna smittevern er det for tida ikkje buffet eller varmmat, men likevel mykje godt til gode studentprisar. Kaffibaren er open kl. 08.00-15.00. 

Undervisninga skjer både i Høgskulebygget og dei andre bygga våre, som alle ligg i ein radius på eitt minutt på campus. I alle bygga finn du grupperom, klasserom og auditorium.

Campus Sogndal er røykfritt område. På uteområda er det oppmerka røykeplassar. 

Tilgang til campus

Frå måndag 10. august kan studentar og tilsette bruke nøkkelkort i hovudinngangen i desse tidsromma utanom opningstida:

  • Studentar har tilgang måndag–fredag kl. 07.30–20.00
  • Tilsette har tilgang måndag–fredag kl. 06.00–21.00
  • Studentar og tilsette har tilgang laurdag kl. 10.00–18.00
  • Søndag er campus stengt

Kjem du med bil? Det er avgiftsparkering på campus

Servicetorget i Sogndal

Grupperomma i 5. etasje i Høgskulebygget er opne når biblioteket er ope

Finn fram på campus i Sogndal