Nautikk

Bachelor Hausten 2021

Drøymer du om å jobbe til sjøs? Med ein bachelor i nautikk og fullført fartstid som kadett er du attraktiv både som dekksoffiser om bord i alle typar skip lokalt, nasjonalt og internasjonalt, og i den landbaserte delen av maritim verksemd.

Søk studieplass

Haugesund
3 år - 180 studiepoeng
Heiltid
Søknadsfrist 15. april

Poenggrense ved forrige opptak

Opptakskrav

Generell studiekompetanse, bestått toårig teknisk fagskule eller eittårig forkurs.

Det er ein fordel å ha forkunnskapar i matematikk og fysikk, men dette er ikkje eit krav for å få opptak.

Dekkjer du ikkje opptakskravet?

Manglar du generell studiekompetanse, men har fagbrev som matros eller fiskar? Då kan du søke opptak til nautikk gjennom y-vegen!

Sjå studieplanen 2020/2021

Følg oss på

#hvlmaritime

Nautikkutdanninga på campus Haugesund er ei praksisnær leiarutdanning som er solid forankra i eit av dei sterkaste maritime områda i Noreg. Vi har eit tett samarbeid med den lokale næringa og våre ferdigutdanna studentar er dei første som blir vurdert for kadettjobbar i desse reiarlaga.

Du lærer å

planlegge og gjennomføre ein seglas i ulike farvatn, og bruke ulike instrument og system knytt til dette
administrere og leie mannskapet om bord
utføre oppgåver om bord på ein trygg måte for mannskapet, skipet og omgjevnadane
sikre trygg lasting, transport og lossing av last
planlegge og vurdere risiko

Undervisningsmåtar

Du skal være godt rusta for yrkeslivet som møter deg etter studiane. Derfor er vi oppteken av at du får innblikk i arbeidslivet gjennom heile utdanninga.

Undervisninga vekslar mellom forelesingar, praktiske øvingar, oppgåveløysing, gruppearbeid og bedriftsbesøk. Ein viktig del av utdanninga er simulatorøvingar. Vi har eit toppmoderne simulatorsenter ved campus Haugesund der du kan omsetje teori til praksis og samstundes bli kjend med utstyret du skal bruke i jobben.

Du har forelesarar med god kjennskap til bransjen, og fleire seglar framleis som dekksoffiserar. Slik sikrar vi at dei teoretiske perspektiva står i samanheng med verkelegheita.

I nokre emne er undervisningsspråket engelsk. Dette gir deg eit godt språkleg grunnlag for framtidig jobb i ein internasjonal bransje, der engelsk er arbeidsspråk i mange samanhengar.

Praksis

I 5. semester har du mogelegheit til å reise ut i praksis hos eit av reiarlaga HVL samarbeider med.

Bli kjend med våre tidlegare studentane Vebjørn Bull Pettersen og Karl-Henrik Nilsen som fortel kvifor dei valde praksis og korleis dei opplevde tida ute på sjøen.

Kva kan du jobbe med?

Etter utdanninga må du fullføre nødvendig fartstid som kadett før du kan søke om ditt første dekksoffisersertifikat. Vi har forpliktande samarbeidsavtalar med mange lokale reiarlag. Dette gjer at du kjem tett på den maritime næringa i ei tidleg fase av studiet.

Når du er ferdig med kadettida, kan du søke styrmannsjobb om bord på båt. Du er også kvalifisert til å søke relevante jobbar på land, for eksempel i reiarlag, alle typar maritime verksemder, klassifikasjonsselskap eller Sjøfartsdirektoratet, for å nemne noko.