ØKB2124 Samfunnsvitskapleg metode

Innhald og oppbygging

 Studentane skal få ei grunnleggjande innføring i samfunnsvitskapleg forskingsmetode. Faget startar med ein introduksjon til metodelære der blant anna ulike trinn i forskingsprosessen blir gjennomgått. Både kvalitative og kvantitative forskingstilnærmingar og metodar blir studert. Blant dei kvalitative datainnsamlingsmetodane gjennomgår ein blant anna intervju og fokusgrupper. Vi går i djubda på deskriptiv statistikk, bruk av statistiske metodar for samanlikning av grupper. I tillegg bruker vi blant anna multippel regresjon på ulike typar data og relaterte metodeproblem blir studert. Faget inneheld øvingar der dataverktøy blir brukt for å analysere data og problemstillingar innan det økonomiske administrative fagområdet.

Læringsutbytte

Studenten:

• Har oversikt over dei ulike trinna i ein forskingsprosess.
• Har kunnskap om ulike typar forskingsdesign og kombinasjonar av forskingsopplegg, både kvantitative og kvalitative.
• Har kunnskap om grunnleggjande datainnsamlings- og analysemetodar, både kvalitative og kvantitative.

 

Studenten:

• Kan definere forskingsspørsmål og vite korleis ein kan gjera avgrensingar samt definere relevante omgrep og problem.
• Kan reflektere over muligheitane for generalisering, samt diskutere problemstillingar omkring validitet og reliabilitet, feilkjelder og feiltolkingar i empirisk baserte studiar.
• Kan vurdere alternative  metodisk tilnærming for empirisk analyse av problemstillingar som dukkar opp i det økonomisk administrative fagområdet.
• Kan bruke og trekkje slutningar frå grunnleggjande statistiske og økonometriske metodar.
• Kan bruke og vere fortruleg med relevant dataverktøy for i praksis å kunne utføre grunnleggjande analyse basert på empiriske data.

Med utgangspunkt i dei andre metodefaga (matematikk og statistikk) har studenten fått ei innføring i Samfunnsvitenskapleg metode, deriblant nytta statistikk og økonometri. Studenten kan reflektere omkring forskingsetikk samt vurdere alternative kvalitative og kvantitative forskingsdesign og metodar.

Krav til forkunnskapar

 Ingen

Tilrådde forkunnskapar

Grunnleggende statistikk

Undervisnings- og læringsformer

 Førelesingar og oppgåveløsning der vi bruker relevant dataverktøy

Obligatorisk læringsaktivitet

Ja, spesifiseres i semesterplan ved semesterstart

Vurderingsform

Prosjektoppgåve; 60/100, grupper

Skriftlig skoleeksamen; 40/100, 3 timar

Karakterskala A-F

Hjelpemiddel ved eksamen

Kalkulator TI-84 vert delt ut under eksamen

Meir om hjelpemiddel