ING3111 3D-modellering med BIM

Innhald og oppbygging

Emnet gir ein introduksjon til 3D-modellering for bruk i bygningsinformasjonsmodellering (BIM), med ekstra fokus på funksjonar innafor elektrofaget. Autodesk si programvare Revit vil ha ei sentral rolle gjennom heile emnet, der studentane vil få ei grundig innføring i programvara og følgja prosessen frå 3D-modellering av enkle komponentar til samanstilling av større prosjekt som skal koordinerast med andre fagområde. Dokumentasjon og eksport til andre programvarer vil også inngå som ein viktig del av arbeidsprosessen.

Emnet kan delast inn i følgjande tema:

• Introduksjon til og bruk av Revit for BIM: Brukargrensesnitt, navigering, teikningar, prosjekt og familiar
• Eksport til EDS (Engineering Database System): Tag-registrering/dokumentasjon
• Eksport til Inventor: Gjennomføringar i struktur og fundament

Læringsutbytte

Kunnskapar:

Studenten:

• har kjennskap til arbeidsprosessen frå enkel 3D-modellering til samanstilling av større prosjekt ved hjelp av BIM-programvare
• kjenner til gode rutinar for dokumentering i BIM og fordelar dette gir ved eksport av data til andre program
• har kunnskapar om Revit som eit BIM-verktøy og kjenner til generelle funksjonar i  programvara, slik som brukargrensesnitt, navigering, oppretting av nye teikningar, prosjekt og familiar, dokumentasjon og eksport av data til andre programvarer

 

Ferdigheiter:

Studenten:

• kan bruke Revit som programvare for 3D-modellering av enkle komponentar
• kan bruke Revit som eit BIM-verktøy, for samanstilling av større prosjekt som skal koordinerast med andre fagområde
• kan dokumentera dei ulike komponentane som inngår i Revit-modellen og eksportera data til andre program, deriblant eit databasesystem som handterer desse dataa og koplar dei vidare mot andre program, dokument, bestillingar og liknande

 

Generell kompetanse:

Studenten:

• kan bruke BIM-verktøy i samhandling med andre i gjennomføringa av tverrfaglege prosjekt, og i samband med dette identifisera løysingar på problemstillingar, bidra til fagleg diskusjon rundt betyding og konsekvens av desse løysingane og leggja fram resultata skriftleg og i form av munnleg presentasjon
• kan reflektera over eige arbeid i eit team samt planleggja arbeidsoppgåver over tid

Krav til forkunnskapar

Ingen

Tilrådde forkunnskapar

-

Undervisnings- og læringsformer

Førelesingar, datalab, gruppearbeid.

Studiet er lagt opp som eit samlingsbasert studium med vanleg undervisning (førelesningar, rekneverkstader, lab-øvingar og liknande) kvar tredje veke. I dei to vekene mellom kvar undervisningsveke vert det lagt opp til sjølvstudium og ein del nettbasert undervisning.

I spesielle tilfelle kan undervisninga bli gitt av engelskspråkleg førelesar/gjesteforelesar. Eksamen vil likevel bli gitt på norsk.

Delar av undervisninga kan bli gjennomført i Haugesund.

Obligatorisk læringsaktivitet

Ja. Desse vil bli spesifisert i undervisningsplanen ved semesterstart.

Vurderingsform

Del 1: Prosjekt, tel 50 % på endeleg karakter.

Del 2: Praktisk-metodisk eksamen, tel 50 % på endeleg karakter.

Begge delane må vere greidd.

Gradert karakter: A - E / F (stryk).

Hjelpemiddel ved eksamen

Del 1, prosjekt: alle hjelpemiddel.

Del 2, praktisk-metodisk eksamen: PC med relevant programvare vil vera tilgjengeleg for bruk under eksamen.

Meir om hjelpemiddel