YFL804 Yrkesfagleg kompetanse i breidde og djubde

Innhald og oppbygging

Yrkesfagleg breidde omhandlar yrka innanfor det utdanningsprogrammet der studenten si fagutdanning inngår og desse yrka sine felleselement. Gjennom å vurdera praktiske og teoretiske kvalifikasjonskrav i utdanningsprogrammet sine yrke, skal studentane sitje att med auka yrkesfagleg breiddekompetanse. Kompetansen skal gi studentane betre grunnlag for grunngjevne val av innhald og arbeidsmåtar i interessedifferensiert, relevant og meiningsfull opplæring for yrkesfagelevar. Felleselement i lærefaga og deira særpreg, dannar i lag med studentane sin kompetanse grunnlag for innhald i studiet. Konkretisering av kompetansemål og utvikling av praktiske arbeidsoppgåver som høver til det yrket elevane utdannar seg til er sentralt.

Yrkesfagleg djupn omhandlar oppdatert fagkompetanse hos den enkelte student. Gjennom fordjuping i praktiske og/eller teoretiske utfordringar innan eige fag, skal studenten vidareutvikle og oppdatera eigen fagkompetanse ut over fagbrevnivå. Analyse av eige fag i lag med dagens og framtidas krav til kompetanse innan yrket, er utgangspunkt for studenten sitt val av innhald i den yrkesfaglege fordjupinga. Fokus på basisfag knytt til arbeidsoppgåver, kjernekompetansen i profesjonell yrkesutøving og støttefag som bidrar til ei djupare forståing, bidrar til å underbyggja og utvida perspektivet på yrkesutøvinga.

Læringsutbytte

Ved fullført emne skal studenten ha følgjande læringsutbytte:

Kunnskapar

Studenten

• yrka i eige utdanningsprogram, basert på analyse av dagens yrkesutøving og læreplanar for faga
• kva yrka i eige utdanningsprogram har til felles og kva som er spesielt for kvart yrke
• oppdatert og forståeleg fagspråk for yrka i eige utdanningsprogram
• overføringsverdien av yrkesfagleg arbeid til ulike yrke i eige utdanningsprogram
• forklare avanserte arbeidsprosessar innan eige fag/yrke

 

Ferdigheiter

Studenten

• planleggje, utføra, vurdere og dokumentera enkelt yrkesfagleg arbeid i andre yrke enn sitt eige, innanfor eige utdanningsprogram
• planleggje, utføra og dokumentera avansert yrkesfagleg arbeid i eige fag/yrke, på eit nivå som ligg over fagbrevnivå
• analysere, vurdere og grunngje yrkeskompetanse og arbeidsoppgåver i eige yrke og vurdere kvalitet på eige og andre sine avanserte faglege arbeid
• nytta kunnskap i basis- og støttefag i yrkesfaglege arbeid innan eige fag/yrke
• vurdera kvalitet på yrkesfaglege arbeid innan eige fag/yrke

 

Generell kompetanse

Studenten

• eksemplifisera læreplanverket innanfor eige utdanningsprogram for yrkesfagelevar i forhold til elevane sine ulike fag/yrke interesseområde
• vurdere kva arbeidsområde som er fagleg relevante for elevar med ulike utdanningsplanar og læringsbehov
• kunne forklare overføringsverdien av yrkesfagleg arbeid til ulike yrke i eige utdanningsprogram
• kunne forklare utviklinga i eige yrkesfag og fagets funksjon og plass i samfunnet

Krav til forkunnskapar

Fullført lærarutdanning og minimum 2 års praksis som yrkesfaglærar. Søkjarar må vere tilsett i og ha undervisningspraksis i vidaregåande opplæring.

Undervisnings- og læringsformer

Studiet vektlegg studentaktive læringsformer og er knytt til skuleeigars hospiteringsordning. Studentane må rekne med høg deltakartaktivitet. Innhald og arbeidsformer er relevante i høve til dei krava som stillast til yrkesfaglærarar/ instruktørar innan yrkesopplæringa. HVL nyttar eit breitt og heilskapleg repertoar av undervisningsmetodar og læringsaktivitetar på samlingane, visuelt dokumentasjonskrav frå praksis, nettstøtta rettleiing og praktisk eksamen.

Obligatorisk læringsaktivitet

• Obligatorisk deltaking på fellessamlingane
• Gjennomført praksis; 1 veke djupn og 2 veker breidde innan minst 2 ulike fag/yrker
• Tre arbeidsloggar frå praksisvekene. Vekt på visuell framstilling
• Presentasjon frå praksisvekene på fellessamling. Individuelt eller i gruppe

 

Arbeidskrava er obligatoriske og må vere gjennomført og godkjente før studenten kan framstille seg til eksamen.

Vurderingsform

Presentasjon for kollegaer på eigen arbeidsplass. Studenten skal dele erfaring og refleksjon frå studiet om korleis ny kompetanse kan nyttast i undervisningspraksis.

Karakter: Greidd/ikkje greidd.