PRAKHB1001 Praksisstudiar med fokus på grunnleggjande behov

Innhald og oppbygging

Emnet vektlegg kunnskap om grunnleggjande behov og sjukepleie til eldre og hjelpetrengjande. Eit sentralt fokusområde er innlæring av praktisk ferdigheit. Det blir lagt vekt på refleksjon og kunnskap om pasienten sin oppleving av situasjonen sin.

Praktisk informasjon

• Studenten må vera budd på å gjennomføre praksis i distriktet (praksisplasser HVL studiestad Stord og Haugesund har avtalar med).
• Praksisstad/student lagar turnus på 240 timar, jevnt fordelt over 8 veker.
• I praksis skal studenten ha fokus på klinisk arbeid i direkte kontakt med pasientar og pårørande.
• Turnusen vert godkjend av lærar og studentansvarlig-/kontaktsjukepleiar på praksisstad i veke 1 eller 2.
• Studenten skal i størst mogleg grad følgje kontaktsjukepleiar sin turnus.
• Studenten skal gå dag, kveld, helg og natt (der det er mogleg).
• Rettleiingsgruppe med lærar er obligatorisk og vert rekna som praksis.
• For at eit praksisemne skal kunne vurderast til bestått, må studenten ha vore til stades minimum 90% av den planlagte tida på praksisstaden.
• Fravær over 10 %, uansett årsak, gir ikkje bestått praksis.
• Studenten vert oppmoda til kontinuerlig å jobbe inn eventuelt fråvær på inntil 10% (fraværsdag 1-3), der det er mogleg for praksisstaden.
• Dersom sjukdom eller andre forhold studenten ikkje rår over fører til fråvær utover 10%, må legeattest (eller anna gyldig dokumentasjon) leverast studieadministrasjonen seinast 3 virkedagar utover 10 % fråvær, for at praksisforsøket ikkje skal bli rekna som eit forsøk.
• Fråvær på mellom 10% og 20% kan likevel om mogleg arbeidast  inn i løpet av praksisperioden etter avtale med kontaktsjukepleiar og lærer fra høgskulen.
• I særtilfeller kan fråvær jobbast inn i inntil éi veke etter avslutta praksisperiode. I slike tilfeller ligg beslutningsmyndighet hos fagseksjonsleiar.
• Skifte av vakt utan godkjenning fra sjukepleiar eller lærar reknast som fråvær.
• Studenten har ansvar for å rapportere fråvær til avdelinga.
• Det gjennomføres obligatoriske begynner-, midt- og sluttsamtalar i alle 8 vekers praksisperioder. Midt- og sluttsamtalar gjennomføres med utgangspunkt i AssCE-skjema.
• Studenten må få sine obligatoriske oppgåver godkjend av lærar for å få bestått praksisperiode.
• Ved ikkje bestått/ikkje fullført praksis må studenten på ny gjennomføre praksis i sin heilhet med tilhøyrande oppgåver. Dette gjeld uansett årsak for ikkje bestått/ikkje fullført praksis

For meir informasjon henvises studenten, kontaktsjukepleiar og studentansvarlig til Læreplan for praktiske studier.

Læringsutbytte

Kunnskap:

Studenten:

• Har kunnskap om det å møte og samarbeide med pasientar og pårørande.
• Har kunnskap om ivaretaking av grunnleggjande behov.
• Har grunnleggande kunnskap om ernæringsfysiologi, mikrobiologi og hygiene.
• Har kunnskap om kroppen sin normale oppbygging og funksjon (anatomi og fysiologi).
• Har kunnskap om samanhengen mellom svikt i kroppen sin funksjonsevne og behov for sjukepleie.
• Har kunnskap om relevante kommunikasjonsformer, spesielt kommunikasjon som fremjar brukarmedverknad og samhandling med pasientar og deira pårørande.
• Har kunnskap om sjukepleieprosessen som metode i utøving av sjukepleie til pasientar som bur på sjukeheim eller som har andre kommunale tilbod.
• Har kunnskap om riktige arbeidsteknikkar, spesielt forflytningsteknikk.
• Har kunnskap om aktuelle førebuingar, undersøkingar og sjukepleieprosedyrar knytt til grunnleggjande sjukepleie.
• Har kjennskap til kven som har ansvar for ulike arbeidsområde på praksisstaden.
• Har kunnskap om aktuelle retningsliner; inklusiv etiske retningsliner og prinsipp samt forskrifter og lovverk. 

Dugleik:

Studenten:

• Nyttar målretta kommunikasjon verbalt og non-verbalt i møte med pasientar, pårørande og medarbeidarar.
• Nyttar relevante prinsipp for informasjon, rettleiing og undervising til pasientar, pårørande og aktuelle samarbeidspartnarar.
• Identifiserer, vurderer, prioriterer, planlegg, utfører, følgjer opp, rapporterer og dokumenterer pasienten/brukaren sitt behov for sjukepleie, for å dekkje grunnleggjande behov. Dette blir utført i samråd med pasienten, pårørande og andre medarbeidarar.
• Kartlegg pasienten sine ressursar og avgrensingar i forhold til grunnleggjande behov.
• Kan identifisere kroppen sine normale reaksjonar på indre og ytre påverknad.
• Nyttar relevante kartleggingsverktøy.
• Brukar kunnskap i mikrobiologi og tar i vare hygieniske prinsipp.
• Handterar utstyr og hjelpemidlar med tryggleik.
• Utfører riktige arbeidsteknikkar inklusiv forflyttingsteknikk.
• Arbeider systematisk og tilpasser arbeidstempoet etter tildelte arbeidsoppgåver.
• Samarbeider med pårørande og bruker deira kunnskap og ressursar som bidrag til eit meiningsfylt og aktivt miljø på sjukeheimen.
• Arbeider tverrfagleg, samarbeider med eigen og andre yrkesgrupper om arbeidsoppgåver.
• Førebyggjer komplikasjonar og ivaretar pasienten sin tryggleik i tråd med oppdatert kunnskap.
• Ivaretar pasienten sin autonomi og integritet i samsvar med etiske og juridiske retningsliner.
• Nyttar kunnskap frå pensum, forsking og utviklingsarbeid i sjukepleieutøvinga.
• Reflekterer over eigne faglege utøvingar og justerer denne under rettleiing.
• Er kjent med og følgjer retningsliner i avdelinga. 

Generell kompetanse:

Studenten:

• Viser innsikt i betydinga av kommunikasjonen for å fremje tillit og sikre tryggleik hos pasientar og deira pårørande.
• Viser sjølvstende, nøyaktigheit og fagleg forsvarlegheit i utføring av grunnleggjande sjukepleie, til dømes ved utøving av sjukepleieprosedyrar, handtering av legemidlar og ved undersøkingar og behandling.
• Overheld teieplikta, og praktiserer i samsvar med faglege, etiske og juridiske retningsliner.
• Viser respekt, forståing og nestekjærleik og tar andre menneske sin situasjon og oppleving alvorleg, uavhengig av kultur, religion og verkelegheitsoppfatning.
• Viser ansvar for eigen læring og tar initiativ til å utnytte læresituasjonar, og bruker vegleiing aktivt og konstruktivt.
• Viser evne til kritisk refleksjon over eigen evne til å utøve sjukepleie til pasientar/brukarar på sjukeheim eller liknande butilbod.

Krav til forkunnskapar

Godkjente arbeidskrav i 1. semester knytt til SYKHB 1021 og SYKHB 1031.

Tilrådde forkunnskapar

SYKHB1021 Sjukepleie ved grunnleggjande behov og SYKHB1031 Naturvitenskapelig emne med hovedvekt på anatomi og fysiologi 3.1

Undervisnings- og læringsformer

Integrering av teori og praksis, rettleiing og refleksjon, gruppearbeid, rettleia praksis/studentoppfølging, demonstrasjonar, skriftlege obligatoriske oppgåver/arbeid og digitale innleveringar, munnleg framstilling, prosjektarbeid, medstudentrespons, dugleikstrening, refleksjonsnotat, sjølvevaluering, seminar.

Obligatorisk læringsaktivitet

Godkjend arbeidskrav knytt til obligatoriske dagar med introduksjon til praksis 1.semester

Vurderingsform

-

Hjelpemiddel ved eksamen

-

Meir om hjelpemiddel