BO6-2008 Praksisbasert bacheloroppgåve Eiendomsmegling

Innhald og oppbygging

Praksisbasert bacheloroppgåve er eit sjølvstendig forskings- eller utviklingsprosjekt under rettleiing basert på relevant praksis for eigedomsmeklarar. Emne er sett saman av praksis og eit individuelt skriftleg arbeid knytt til praksis.

Læringsutbytte

Kunnskapar

Studenten: 

• Har oppdatert og inngåande kunnskap om relevante teoriar og metodar knytt til vald problemstilling innan fagområdet eigedomsmekling.
• Kjenne til forskings- og utviklingsarbeid knytt til vald tema/problemstilling.

Ferdigheter

Studenten: 

• Kan med utgangspunkt i praksisperioden finne, og velje ut ei fagleg problemstilling.
• Kan finne, velje og fordyjupe seg i relevant teori for problemstillinga. 
• Kan vurdere, og velje ut, relevante metodar for å finne svar på problemstillinga. 
• Kan planleggje og gjennomføre innhenting av empirisk data og bearbeide desse.
• Kan analysere data og diskutere funna opp mot teori.
• Kan vurdere funna og komme fram til en konklusjon. 
• Kan planlegge og gjennomføre et prosjekt med begrensende ressurser. 

Generell kompetanse

Studenten: 

• Kan planleggje og gjennomføre prosjekt som strekk seg over tid, og som er i tråd med etiske krav og retningslinjer.
• Kan formidle problemstillingar, fagstoff og løysingar skriftleg.
• Kan utveksle synspunkt og erfaring med andre med bakgrunn innan eigedomsmekling og gjennom dette bidra til utvikling av god praksis.

Krav til forkunnskapar

Avlagt minst 100 studiepoeng semesteret før oppgåva skal skrivast. Minimum ha bestått arbeidskrava i emne ME6-1002 Samfunnsvitskapleg metode og ME6-1001 Statistikk.

Emneansvarleg kan gje dispensasjon etter skriftleg søknad innan oppgitt frist, semesteret før oppgåva skal skrivast.

Undervisnings- og læringsformer

Praksis basert bacheloroppgåve er eit sjølvstendig arbeid. Studenten har sjølv ansvar for å nå læringsutbytte, og for framdrift og utforming av oppgåva. Det er studenten sitt ansvar å finne og avtale praksis med ein arbeidsgjevar. Høgskulen skal godkjenne praksisplassen. 

For å førebu og støtte studenten i arbeidet er det utarbeida ein serie med seminar og videoar. Aktiv bruk av rettleiing er likevel den viktigaste læringsforma i emnet. Rettleiing på det skriftlege arbeidet vert gitt etter avtale med tildelt rettleiar, maksimum fire rettleiingstimar per student. 'Rettleiaren for bacheloroppgåva ved institutt for økonomi og administrasjon, campus Sogndal' gir utfyllande informasjon om innhald og omfang på rettleiinga.

Obligatorisk læringsaktivitet

Kravet for å levere bachelotoppgåva til sensur er: 

1. Studentane avtalar, førebur og deltek på den obligatoriske rettleiingsøkta, og signerer rettleiingsavtalen.  
2. Gjennomført praksisperiode på 3 veker
3. Aktiv deltaking på plakat-verkstad og levering av ferdig plakat av bachelotoppgåva.

Vurderingsform

Bacheloroppgåve i grupper på 2-3 personar. 

Bokstavkarakter.

Kandidatar som får ikkje bestått og ønskjer å levere ei forbetra versjon av bacheloroppgåva får tilbod om ein time rettleiing.

Sjå elles §11-19 i Forskrift om studium og eksamen ved Høgskulen på Vestlandet for meir informasjon om oppattaking av bacheloroppgåver.