LUPEM501 Profesjonsfag med fagleg fordjupning

Innhald og oppbygging

Profesjonsfaget er eit verdi- og danningsfag som skal gje studenten identitet som lærar, og danne den lærarfaglege plattforma i utdanninga.

Faget skal ivareta samanhengen mellom pedagogikk, didaktikk og det praktiske og estetiske fagområdet, der oppseding, utdanning og danning utgjer kjernen i faget. I emnet skal studenten utvikle eit analytisk og kritisk perspektiv på arbeid med opplæring og sin eigen praksis som framtidig lærar i eige masterfag. Dette skal forankrast i pedagogisk forsking og i etiske og vitskapsteoretiske grunnlagsproblem.

Emnet går parallelt med masteroppgåva i 5. studieår.

Sentrale tema i emnet er:

• Danning, oppseding og utdanning i eit kritisk perspektiv
• Pedagogiske grunnsyn
• Perspektiv på læring
• Vitskapsteori
• Profesjonsetikk

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har avansert kunnskap om eleven si danning i eit pluralistisk samfunn
• har avansert kunnskap om eleven si læring, sosialisering og identitetsutvikling
• har avansert kunnskap om ulike pedagogiske grunnsyn
• har inngåande profesjonsfagleg kunnskap i masterfaget (musikk eller kroppsøving og idrettsfag)

Ferdigheitar

Studenten

• kan kritisk vurdere opplæringa si rolle og funksjon i samfunnet
• kan kritisk analysere og bruke opplæringa sitt verdigrunnlag
• kan kritisk drøfte utfordringar i realiseringa av gjeldande læreplan og andre styringsdokument
• kan identifisere og drøfte profesjonsetiske spørsmål med grunnlag i etisk teori
• kan med utgangspunkt i forskingsbasert og profesjonsretta kunnskap grunngje eigne pedagogiske og etiske val

Generell kompetanse

Studenten

• kan drøfte didaktiske konsekvensar, utfordringar og moglegheiter i ein utviklingsorientert skule eller organisasjon
• kan bruke relevant forsking som grunnlag for utvikling og endring av pedagogisk praksis og som grunnlag for ei masteroppgåve
• kan på eit avansert nivå identifisere, vurdere og formidle profesjonsfaglege og etiske problemstillingar

Krav til forkunnskapar

Ingen

Tilrådde forkunnskapar

LUPEF103 Lærarrolla og elevane si læring og utvikling

LUPEF403 Den profesjonelle læraren

Undervisnings- og læringsformer

Det vil bli brukt varierte undervisnings- og arbeidsmåtar, med vekt på studentaktivitet og casestudium. Det blir lagt opp til litteraturseminar og workshops knytt til sentrale tema i emnet med bruk av norsk og internasjonal forskingslitteratur.

Det er ein føresetnad at studentane deltek aktivt i undervisninga, og at dei arbeider med lærestoffet på eiga hand. Refleksjon og kritisk drøfting av teori og praksis knytt til eige masterfag er sentralt i emnet.

Obligatorisk læringsaktivitet

Følgjande obligatoriske læringsaktivitetar må vere godkjente for at studenten kan framstille seg til eksamen:

• Aktiv deltaking i undervisningsaktivitetar som er definerande for emnet og gjennomføring av pålagte praktiske, skriftlege og munnlege oppgåver som skal gje studenten avansert kunnskap om ulike pedagogiske grunnsyn og hen skal kunne drøfte didaktiske konsekvensar, utfordringar og moglegheiter i ein utviklingsorientert skule eller verksemd
• Munnleg oppgåve i gruppe, knytt til korleis masterfaget sin praktiske og teoretiske eigenart kan medverke i elevane si danning og identitetsutvikling
• Individuell skriftleg oppgåve knytt til drøfting av ein utviklingsorientert skule eller verksemd, med masterfaget som omdreiingspunkt

Dersom ein obligatorisk læringsaktivitet blir vurdert som ikkje godkjent, skal det bli gitt skriftleg tilbakemelding om dette. Studentar som ikkje får godkjent ein eller fleire læringsaktivitetar får tilbod om å rette opp feil og manglar (1 gang) eller gjennomføre alternativ arbeidsaktivitet gitt av faglærar. Datoen for nytt forsøk må være i gjeldande semester og innan gitte fristar, men seinast tre veker før eksamensperioden byrjar.

Nærare retningslinjer for arbeidskravet gis ved semesterstart.

Vurderingsform

Individuell munnleg eksamen, 30-40 minutt.

Karakterskala A - F, der F svarar til ikkje bestått.

Hjelpemiddel ved eksamen

Ingen hjelpemiddel

Meir om hjelpemiddel