Hopp til innhald

PRO102 Innføring i kommunikasjon og dokumentasjon

Emneplan for studieåret 2025/2026

Innhald og oppbygging

Kommunikasjonsteori og munnleg framstilling

Kommunikasjonsprosessar, mål- og mottakaranalyse, samarbeid og gruppefunksjonar, presentasjonsteknikk og retorikk.

Skriftleg framstilling

Språklege verkemiddel, argumentasjon og retorikk, syntaks, pragmatikk, andre grammatiske emne, akademisk skriving og referansar, skriveprosessen, kjeldekritikk.

Sjangerlære

Rapport, formelle brev og CV, møteinnkalling, instruksjon, referat.

Læringsutbytte

Etter gjennomført emne skal studenten ha følgjande læringsutbytte definert i form av kunnskap, ferdigheiter og generell kompetanse:

Kunnskap

Studenten

  • har kunnskap om kommunikasjonsprosessar og korleis språket kan brukast som verktøy i forhold til situasjon, mål og mottakar
  • har kunnskap om betydinga kulturelle element har i kommunikasjonsprosessar
  • kjenner til ulike sjangarar i sakprosa og skjønnlitteratur og viktige forhold i språkutviklinga

Ferdigheiter

studenten

  • kan definere kommunikasjonsmål og velje egna nivå og form på det som skal formidlast i forhold til mottakar og situasjon
  • kan strukturere eigne tekstar og bruke relevante verkemiddel for form og tekstsamanbinding
  • kan uttrykke seg skriftleg formelt korrekt, på norsk og engelsk, i ulike funksjonelle tekstar som kan vere aktuelle for ein ingeniør
  • kan planlegge, strukturere og gjennomføre ulike former for munnlege presentasjonar på norsk og engelsk
  • kan analysere bruken av ulike verkemiddel i skjønnlitteratur og sakprosa, saksframstilling og argumentasjon

Generell kompetanse

Studenten

  • kan utforme klare, målretta og brukarvennlege rapportar, øvings- og prosjektdokument
  • kan kommunisere effektivt i grupper
  • kan planlegge og gjennomføre møte og diskusjonar
  • kan innhente informasjon frå ulike kjelder og bruke desse kritisk i eigne arbeid
  • kan setje opp ei kjeldeliste korrekt
  • kan uttrykke seg skriftleg og munnleg gjennom ulike medium på norsk og engelsk

Krav til forkunnskapar

Ingen

Undervisnings- og læringsformer

Nett- og samlingsbaserte forelesingar og øvingar. Øvingsoppgåver i grupper og individuelt, munnlege presentasjonar, prosjektarbeid, arbeid med mappa.

Obligatorisk læringsaktivitet

Ein munnleg presentasjon på engelsk.

Ein munnleg presentasjon på norsk.

Begge presentasjonane må vere gjennomførte og godkjende til fastsette fristar før ein kan levere mappe til vurdering.

Vurderingsform

Mappe som består av fire innleveringar.

Alle dei fire innleveringane må vere leverte og beståtte for å bestå i faget. Éi av innleveringane skal vere på engelsk. Dei obligatoriske læringsaktivitetane og dei fire innleveringane skal til saman dekkje læreplanmåla skildra under kunnskap, ferdigheiter og generell kompetanse i emneplanen.

Det blir gitt framovermelding undervegs på studentsvara for kvart mappeelement. Studentane får moglegheit til å forbetre innleveringane i ein gitt periode før karakteren på mappa blir sett.

Ved stryk i mappa kan eksisterande tekstar forbetrast og leverast på nytt påfølgande semester.

Vurdering: Gradert bokstavkarakter A-F, der F er stryk.

Hjelpemiddel ved eksamen

Alle hjelpemiddel

Meir om hjelpemiddel