PSBU852 Samordning, koordinering og samskaping

Innhald og oppbygging

Emnet omhandlar korleis kommunane organiserer tenestetilboda til barn, unge og deira familiar på system- og tenestenivå, og vektlegg korleis ein kan skape heilskaplege og koordinerte tenester gjennom samordning, koordinering og samskaping i praksis.

Emnet er forankra i rettar, lov - og regelverk og sentrale føringar som har betydning for tenestetilbodet til barn og unge, helsefremjande tenking og innovative arbeids- og samhandlingsformer.

Vidare har emnet fokus på korleis brukarmedverknad og faglege perspektiv påverkar arbeid i tenestetilboda til barn og unge.

Læringsutbytte

Ein student med fullført emne har følgjande læringsutbytte definert i kunnskap, ferdigheiter og generell kompetanse:

Kunnskap:

Studenten…

• har avansert kunnskap om rettar, lov- og regelverk og sentrale føringar som har betydning for tenestetilbodet til barn og unge på system- og tenestenivå

• har inngåande kunnskap om organisering av tenestetilbodet på ulike nivå

• har inngåande kunnskap om mandat og institusjonelle logikkar i de ulike tenestetilboda for barn og unge

Ferdigheiter:

Studenten…

• kan iverksetje og gjennomføre heilskaplege, koordinerte, kunnskapsbaserte og bærekraftige tiltak med barn, unge, familier og nettverk, og sikre at tiltaka ivaretar barn og unge sine rettar

• kan analysere og identifisere barn sitt beste i relevante tiltak, herunder gjennomføre barns-beste-vurderingar og ivareta barn sine rettar

• kan bruke innovative arbeids- og samhandlingsformer som er forankra i helsefremjande tenking

• kan analysera korleis kompetanse og faglege perspektiv påverkar arbeid i tenestetilboda til barn og unge, koordinering og samarbeid mellom tenestene

Generell kompetanse:

Studenten…

• kan kommunisere med barn og unge, deira familiar og nettverk, tenester og samarbeidspartnarar, frivilligheit, og allmenta om korleis tenestene til barn og unge er organisert, og

• kan drøfte om organiseringa ivaretar barn sin rett til ikkje-diskriminering, barnet sitt beste og medverknad

• kan bruke sin kompetanse og sitt eige fag sitt bidrag i koordinering og samskaping av tenester til barn og unge, deira familiar og nettverk

• kan anvende sine kunnskapar og ferdigheiter om barn og unge til å analysera kva som fremjar eller hemmar moglegheita for medverknad og samskaping i praksis

Krav til forkunnskapar

Ingen

Tilrådde forkunnskapar

PSBU850 og PSBU851

Undervisnings- og læringsformer

Emnet kombinerer fysisk og digital undervisning. Det vert nytta forelesningar og studentaktive læringsformer og undervisning på campus, sjølvstudium og oppgåveskriving. Det er i tverrfaglege rettleiingsgrupper digitalt via Zoom og på campus.

Det blir forventa at studentane samarbeider og driv sjølvstudium mellom samlingane.

Normal arbeidsinnsats for dette emnet på deltid er 20 timer per veke i gjennomsnitt.

Obligatorisk læringsaktivitet

Følgjande obligatoriske læringsaktivetar må vere godkjende før studenten kan framstille seg for eksamen:

1. 75% obligatorisk oppmøte til undervisning.
2. 100% oppmøte i rettleiingsgrupper.
3. Ei individuell skriftleg oppgåve knytt til utvikling av eigen yrkeskompetanse gjennom digital kartlegging av tenester, tiltak og prosjekt for barn og unge i eigen kommune. Omfang; 1000 ord (+/-10 %).

Vurderingsform

Oppgåve

Studentgrupper på 2 - 4 studentar skriv oppgåve med eit omfang på 4500 ord +/-10% om kva vilkår som fremjar og kva som hemmar koordinering og medverknad i praksis. Kvar gruppe har tilbod om tre rettleiingar på si på oppgåva.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Ny eksamen

Ved ikkje bestått eksamen kan oppgåva bearbeidast.

Rettleiing

Kvar gruppe har tilbod om ei rettleiingar på oppgåva.

Hjelpemiddel ved eksamen

Alle

Meir om hjelpemiddel

Meir om hjelpemiddel