PSBU853 Kunnskapsbasert profesjonell praksis

Innhald og oppbygging

I emnet tileignar studentane seg kunnskap om ulike strategiar og emnet har tilnærmingsmåtar i psykososialt og helsefremjande arbeid med barn og unge, og har særleg fokus på kompleksiteten i samarbeid og på det å ta vare på rettane til barn og unge i praksis.

Kunnskapsbasert profesjonell praksis, vitskapsteori og utøving av skjønn og etikk står sentralt.

Eit hovudfokus er tverrfagleg og tverrprofesjonelt samarbeid rundt barn og unge som opplever krevjande livssituasjonar, og barn og unge med behov for langvarige og koordinerte tenester. I den samanhengen blir kunnskap om relasjons- og kommunikasjonskompetanse, og det å kunne analysere og vurdere eiga yrkesrolle og makt i møte med barn og unge, familiar, tenester og samarbeidspartnarar, lagt vekt på.

Sentrale tema i emnet er:

• barn og unge sin posisjon i samfunnet
• mangfaldskompetanse
• laget rundt barnet,
• marginalisering og utanforskap
• arbeid med relasjonar og kommunikasjon
• praktisk handlingskompetanse i tverrfaglege og tverrprofesjonelle team
• nytenking og innovasjonsprosessar i tenester

For å styrkje den tverrprofesjonelle samarbeidskompetansen og gje innsyn i andre profesjonar sine kompetansar og praksisar, deltek studentane i hospitering over to dagar hjå samarbeidspartnarar.

Læringsutbytte

Ein student med fullført emne skal ha følgande læringsutbytte definert i kunnskap, ferdigheiter og generell kompetanse:

Kunnskap:

Studenten…

• har avansert kunnskap om vitskapsteori, kunnskapsbasert praksis, utøving av skjøn og etikk

• har inngåande kunnskap om metodar og perspektiv på tenesteutvikling og innovasjon

• har inngåande kunnskap om fagområdet si historie, faget si eigenart og barn og unge sin posisjon i samfunnet

Ferdigheter:

Studenten…

• kan reflektere over og forhalde seg kritisk til eiga profesjonelle rolle i møte med institusjonelle og politiske rammer for tenesteutøving

• kan reflektere over, forhalde seg kritisk til, og utvikle eigne evner til å ivareta barn sine rettar gjennom praksis

• kan gjennomføre eit avgrensa utviklingsprosjekt, i tråd med gjeldande forskingsetiske normer

• kan gjennomføre rettleiing til barn og unge, deira familiar og nettverk, tenesteutøvarar, samarbeidspartnarar og kollegaer

• kan analysere, kritisk evaluere og utvikle eigen relasjons- og kommunikasjonskompetanse

• kan reflektere over og forhalde seg kritisk til eigne verdiar, tolkingar, yrkesrolle og makt i møte med barn og unge, familiar og nettverk og samarbeidspartnarar

Generell kompetanse:

Studenten…

• kan kommunisere om eige ansvarsområde og faglege problemstillingar, både med fagpersonar og til ålmenta

• kan anvende sine kunnskapar og ferdigheiter på nye område innafor psykososialt arbeid med barn og unge

• kan bidra til nytenking og innovasjonsprosessar innafor psykososialt arbeid med barn og unge

Tilrådde forkunnskapar

PSBU850, PSBU851 og PSBU852

Obligatorisk læringsaktivitet

Følgjande obligatoriske læringsaktivetar må vere godkjende før studenten kan framstille seg for sluttvurdering:

1. 75% obligatorisk frammøte til undervisning

2. 100% frammøte til rettleiingsgrupper

3. Ei individuell skriftleg refleksjonsoppgåve knytt til utvikling av eigen yrkes- og samarbeidskompetanse gjennom hospitering hjå tenester for barn og unge. Omfang; 1000 ord (+/-10%).

Vurderingsform

Digital munnleg eksamen.

Studentgrupper på 2-4 studentar skal planlegge eit avgrensa utviklingsprosjekt ved bruk av verktøy frå modellen for kunnskapsbasert praksis (KBP).

Rettleiing

Kvar gruppe har tilbod om to rettleiingar på sitt utviklingsprosjekt.

Omfang

Munnleg eksamen varer totalt 35. minutt pr. gruppe.

Powerpoint-presentasjon på maksimalt 15. minutt - etterfølgd av ei munnleg gruppevis høyring på 20 min.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Ny eksamen

Ved ikkje bestått eksamen kan bearbeidet power-point presentajon presenterast.

Hjelpemiddel ved eksamen

Alle til utviklingsprosjektet.

Til munnleg: Ingen

Meir om hjelpemiddel