PPUA304 Praksis 2

Innhald og oppbygging

Hovudtema i andre praksisemnet er å få innsikt i skulen som organisasjon, profesjonsfellesskap og samhandling med interne og eksterne aktørar. Studenten skal også vidareutvikle hovudtema frå første praksisemne; lærarrolla og klasseleiing.

Døme på tema som vert gjennomgått på høgskulen i løpet av studieåret og som kan brukast som utgangspunkt i rettleiingssamtalar mellom praksislærar og student:

• klasseleiing
• barn og unge i utsette livssituasjonar
• medborgarskap og det fleirkulturelle samfunnet
• berekraftig utvikling
• skuleutvikling og kompetanseutvikling
• samiske forhold og samiske elevar sine rettar
• organiseringsformer og læringsrom i og utanfor skulen

Praksisemnet er ein obligatorisk del av utdanninga og består av totalt 30 dagar rettleia og vurdert praksis. Studentane gjennomfører praksis med særleg fokus på sjølvstendig opplæringsansvar. Studentene skal også delta på praksisførebuingar i regi av HVL. Studentane skal gjere seg kjent med innhaldet i emneplanen og retningslinjene for praksisstudiet på HVL sine nettsider for praksis.

Læringsutbytte

Ved fullført praksisemne skal studenten ha følgjande totale læringsutbytte:

Kunnskapar

Studenten

• har kunnskap om barn og unge i utsette livssituasjonar
• har kunnskap om korleis forstå barn og unge med ulike utfordringar i ei elevgruppe
• har kunnskap om tverrprofesjonelt samarbeid og aktørar i støtteappartet til skulen

Ferdigheiter

Studenten

• kan samhandle med elevar, føresette, kollegaer og andre interne og eksterne aktørar
• kan ta ansvar for å utvikle og leie inkluderende, kreative, trygge og helsefremmande læringsmiljø
• kan vurdere behov for kompetanse hjå andre aktørar og vidareutvikle eigen kompetanse

Generell kompetanse

Studenten

• kan bidra til endringsprosessar og samarbeid om fagleg og pedagogisk nytenkning i skulen og involvere lokalt samfunns-, arbeids- og kulturliv i opplæringa

Krav til forkunnskapar

PPUA303 Praksis 1

Undervisnings- og læringsformer

I starten av praksisperioden bør studenten få noko tid til å observere praksislærar, og eventuelt andre lærarar si undervisning. Vidare skal studenten bli involvert som medlærar når praksislærar eller andre har undervisningsansvaret, før studenten sjølv får ansvar for å sjølvstendig planlegge, gjennomføre og vurdere eiga undervisning. Så langt det er mogleg følger studenten arbeidsdag og arbeidsoppgåvene til praksislærar. Dette inkluderer mellom anna teamarbeid, møte, skule-heim-samarbeid og andre relevante arbeidsoppgåver.

Etter avtale med praksislærar skal studenten levere eit planleggingsdokument når studenten har ansvar for undervisning. Praksislærar skal få planleggingsdokumentet i god tid før undervisninga slik at studenten kan få rettleiing i forkant av undervisningsøkta.

Obligatorisk læringsaktivitet

Ingen

Vurderingsform

Obligatorisk 30 dagar rettleidd og vurdert praksis.

Sluttvurdering vår: Bestått/Ikkje bestått.

Studenten skal få ei individuell skriftleg sluttvurdering av praksislærar.

Studenten kan ikkje klage på vurderingsresultat i praksis. Dersom praksis ikkje er bestått, kan studenten gjennomføre andre forsøk neste gang emnet går ordinært. Dette kan påverke studenten sin studieprogresjon.

Hjelpemiddel ved eksamen

Ingen

Meir om hjelpemiddel