BIDR211 Førebyggjande fysisk aktivitet
Emneplan for studieåret 2021/2022
Innhald og oppbygging
Emnet Aktivitetsmedisin 1 handlar om korleis fysisk aktivitet kan førebygge og behandle dei vanlegaste ikkje-smittsame sjukdomane hjå vaksne. Studentane får kunnskap og kompetanse om sjukdomslære, val og dosering av aktivitet og treningsmetode tilpassa dei aktuelle tilstandane og deira risikofaktorar. Studentane får også praktisk opplæring i korleis ein gjennomfører ein helseprofilvurdering og relevante testar for fysisk form og funksjon på individnivå.
I emnet skal studentane gjennomføre punktpraksis i treningsplanlegging og -rettleiing (ca. 20 timar).
Læringsutbytte
Ved fullført emne skal studenten ha følgjande totale læringsutbytte:
Kunnskapar
Studenten
- har kunnskap om sentrale omgrep innan fagområdet
- har brei kunnskap ikkje-smittsame sjukdomar og desse tilstandane sine risikofaktorar
- har brei kunnskap om korleis fysisk aktivitet kan brukast som primær, sekundær og tertiær førebygging
- har kunnskap om forskings- og utviklingsarbeid som ligg til grunn for val av treningsmetodar og dosering av fysisk aktivitet innanfor fagområdet
Ferdigheiter
Studenten
- kan anvende fagleg kunnskap og forsking til å planlegge og gjennomføre fysisk aktivitet og trening for målgruppa
- kan gjennomføre og reflektere over metodar i helseprofilvurdering og lungefunksjon
- kan reflektere over eigen fagleg utøving og justere denne under rettleiing
Generell kompetanse
Studenten
- har innsikt i årsakssamanhengar mellom fysisk aktivitet, trening og risikofaktorar
- kan planlegge og gjennomføre fysisk aktivitet og trening for personar med ikkje-smittsame sjukdomar og desse tilstandane sine risikofaktorar
- kan formidle sentralt fagstoff
Krav til forkunnskapar
Ingen
Tilrådde forkunnskapar
IDF101 Treningslære, BIDR210 Fysiologi og treningslære
Undervisnings- og læringsformer
Undervisnings- og læringsformene i dette emnet er i stor grad knytt til førelesingar, gruppe- og individuelt arbeid. Emnet inneheld både teoretiske og praktiske timar med fokus på studentaktive læringsformer. Det blir gjennomført punktpraksis i treningsplanlegging og -rettleiing med omfang 20 timar som del av emnet.
Obligatorisk læringsaktivitet
Følgjande obligatoriske læringsaktivitetar må vera godkjente for at studenten kan framstille seg til eksamen:
- Deltaking på praksisførebuing og evaluering
- Punktpraksis og -rapport
- Helseprofil, laboratoriekurs og -rapport
Dei obligatoriske læringsaktivitetane er knytt til læringsutbytta om å anvende fagleg kunnskap til å planlegge og gjennomføre trening og fysisk aktivitet i eit førebyggande perspektiv, samt gjennomføring og metodisk refleksjon over helseprofilvurdering.
Vurderingsform
Individuell munnleg eksamen (30 minutt). Karakterskala: A-F, der F er ikkje greidd.
Hjelpemiddel ved eksamen
Ingen
Meir om hjelpemiddel