RE6-2014 Internship

Innhald og oppbygging

I emnet Internship skal studenten få innsikt i og kunnskap om det daglege arbeidet i service- eller reiselivsverksemder på eit administrativt nivå. Gjennom autentiske arbeidsoppgåver, refleksjon og rettleiing skal studentane tileigne seg forståing for metodar, problemstillingar, prosessar og verktøy i arbeidslivet knytt til verksemda eller organisasjonen. Emnet skal bidra til at studentane får reflektere over teorien dei har tileigna seg i løpet av dei føregåande semestera og eventuelle sentrale problemstillingar i næringa.

Emnet skal bidra til at studenten kan nytte teori frå dei fyrste tre semestera til å utvikle både kunnskap, ferdigheiter og generell kompetanse innan reiseliv, marknadsføring og leiing på ein tverrfagleg og heilskapleg måte. Gjennom praktisk erfaring får studentane nytte teori i verkelege arbeidsmiljø, noko som gjev dei verdifull innsikt og ferdigheiter som er nødvendige for ei karriere innan reiseliv. Studenten skal arbeide i ein bedrift eller organisasjon opptil 450 timar. Studenten kan velje å ta praksis i Norge eller i utlandet.

Læringsutbytte

Kunnskap

Studenten skal

• Ha brei kunnskap om sentrale problemstillingar, tema, teoriar, metodar og verktøy innan drift, utvikling og leiing av reiselivsbedrifter
• Tileigne seg kunnskap om forskings- og utviklingsarbeid innan drift, utvikling, marknadsføring og leiing av reiselivsbedrifter.
• Tileigne seg kunnskap om historia, tradisjonar, eigenart og plass i samfunnet til reiselivsnæringa.
• Tileigne seg kunnskap om bruk av teori og metode gjennom praktisk nytte i ei bedrift eller ein organisasjon.
• Tileigne seg kunnskap kring praktisk drift av ei reiselivsbedrift eller reiselivsorganisasjon
• Tileigne seg kunnskap om samanhengen mellom forskjellige emne i studiet og korleis desse vert brukt i ei bedrift eller organisasjon.
• innan det valte fagområde tileigne seg kunnskapar om sentrale tema, problemstillingar, prosessar, verktøy og metodar i bruk

Ferdigheiter

Studenten skal kunne

• Nytte fagleg kunnskap og teori på praktiske problemstillingar og løyse desse på best mogleg måte
• Nytte fagleg kunnskap og relevante resultat frå forsking- og utviklingsarbeid på praktiske og teoretiske problemstillingar og kunne ta avgjersler med god grunngjeving.
• Reflektere over eigen fagleg gjennomføring og justere denne i høve rettleiing.
• Finne, vurderer og vise til informasjon og fagstoff som tek opp og løyser problemstillingar innan generell drift, utvikling og leiing av ei reiselivsbedrift.
• Beherske relevante verktøy, teknikkar og uttrykksformer innan drift, utvikling og leiing av ei reiselivsbedrift
• Vere i stand til å utføre arbeidsoppgåver innan det valte praksisområdet

Generell kompetanse:

Studenten har:

• innsikt i krav og retningslinjer i arbeidslivet.
• evne til å stille faglege spørsmål som kan bidra til vidareutvikling av bedrifta eller organisasjonen.
• evne til å kommunisere og samarbeide med involverte partar i og utanfor verksemda
• evne til å sjå den tverrfaglege heilskapen kring reiseliv, marknadsføring og leiing og nytte denne kompetansen til beste for bedrifta og organisasjonen og samfunnet elles.
• sett nytten av og blitt inspirert til å holde seg faglig oppdatert
• evne til å planlegge og løyse faglege oppgåver sjølvstendig
• kjennskap til nyskaping og innovasjonsprosessar.
• Kjennskap og kan formidle sentralt fagstoff som teoriar, problemstillingar og løysingar.
• innsikt i relevante fag- og yrkesetiske problemstillingar

Krav til forkunnskapar

Ingen

Tilrådde forkunnskapar

RE6-2013 Introduksjon til praksis i reiselivsnæringa

Undervisnings- og læringsformer

• For det meste arbeid i bedrift eller organisasjon.

Men det kan og bli:

• Digitale ressursar
• Forelesing
• Formidling frå kollegaer, studentar og rettleiar.
• Ferdigheitstrening
• Simulering
• Rettleiing
• Medstudentrespons
• Eigenvurdering
• Oppgåveløysing
• Skriftleg arbeid
• Sjølvstudium

Obligatorisk læringsaktivitet

Arbeidskrav 1: Obligatorisk deltaking i praksis i bedrift eller organisasjon opptil 150 timar og refleksjonsnotat. Nøyaktig tal timar skal avgjerast av emneansvarleg.

Arbeidskrav 2: Obligatorisk deltaking i praksis i bedrift eller organisasjon opptil 150 timar og refleksjonsnotat. Nøyaktig tal timar skal avgjerast av emneansvarleg.

Arbeidskrav 3: Obligatorisk deltaking i praksis i bedrift eller organisasjon opptil 150 timar og refleksjonsnotat. Nøyaktig tal timar skal avgjerast av emneansvarleg.

Arbeidskrav 4: Deltaking seminar med munnleg presentasjon.

Vurderingsform

Individuell mappeeksamen med fire deler som inneheld praksisrapport

Dei fire delene er skildra som dei fire refleksjonsnotata i arbeidskrava.

Karakter: Bestått eller ikkje bestått.

Hjelpemiddel ved eksamen

Alle hjelpemiddel er tillatt

Meir om hjelpemiddel