Kort modulbeskrivelse
Modulen gir ei innføring i praksisrettleiing og presenterer eit forskingsbasert og praksisnært rammeverk for å utvikle kompetanse i rettleiing av studentar i praksis. Du får innsikt i mandatet for praksisopplæring og praksisoppfølging, og utviklar forståing for kva som krevst i rolla som praksisrettleiar. Gjennom arbeid med sentrale tema innan rettleiing, kommunikasjon, etikk og vurdering får du eit grunnlag for å analysere og utvikle eigen rettleiingspraksis.
Modulen er særleg relevant for deg som har ansvar for studentar i praksis, og som ønskjer å bli tryggare og meir medviten i rettleiingssituasjonar –både i fysiske og digitale møteformer.
Mål
Mål for modulen
- Modulen har som mål å fremje kunnskap om praksisrettleiing. Det blir lagt vekt på kandidatanefår erfaring med å gjennomføre rettleiing i praksis og utviklar evne til å analysere eigen rettleiingspraksis.
Læringsmål
- Ha kunnskap om praksislærarrolla – mandat og forventningar
- Ha kunnskap om ulike tilnærmingar til rettleiing
- Kunne initiere og leggje til rette for praksisrettleiing i samarbeid med praksisfeltet
- Utvikle grunnleggjande rettleiingsferdigheiter og medvit om etiske og pedagogiske aspekt ved rettleiing
- Utvikle ferdigheiter i å handtere utfordringar og støtte studentar som strevar
- Utvikle ferdigheiter i å analysere eigen og andre sin rettleiingspraksis
Nøkkelomgrep
- Praksisrettleiing
- Rettleiingsferdigheiter
- Støtte og utfordring i rettleiing
- Trepartsamarbeid
Organisering av modulen
Undervisning
Undervisningsdagane er i Bergen:
- Torsdag 22.januar
- Torsdag 19 mars
- Læringsplattform: Canvas
Vurdering
- Formativ vurdering: Tilbakemelding på øvingar undervegs
- Summativ vurdering: Innlevering av eit skriftleg notat der kandidaten reflekterer over eiga utvikling som rettleiar i lys av relevant teori.
Opptak
- Ingen opptakskrav
Tilrådd litteratur
- Herberg, E.H. og Johannesdottir, H. (2018). Kunnskap, læring og veiledning i praksis. Universitetsforlaget.
- Jensen, P. og Ulleberg, I. (2019). Mellom ordene. Kommunikasjons i profesjonell praksis. Gyldendal (kap.8, 9 og 17)
- Kvam, E. K., Roness, D., Ulvik, M., Helleve, I., & Smith, K. (Red.). (2024). Veiledning og profesjonell utvikling i skolen. Fagbokforlaget.(kap.1, 3, 5 og 8).
- Steinnes, G. S., & Longva, K. P. (2024). Praksisrettleiing i møte med sårbare studentar. Nordisk tidsskrift i veiledningspedagogikk, 9(1). https://doi.org/10.15845/ntvp.v9i1
- Tveiten, S. og Iversen, A. (Red.) (2018). Veiledning i høyere utdanning. En vitenskaplig antologi. Fagbokforlaget. (kap. 8 og 12).
