FD45 Skriverettleiing for rettleiarar | Vår 2026

Modulbeskriving

Modulen vil passe for deg som rettleier studentar i tekstarbeid. Kva er god akademisk skriving, korleis kommuniserer du det til studenten og korleis sørger du for at dei jobbaraktivt med tilbakemeldingar og revisjon av eigen tekst? Kan du gjennom bevisstgjering rundt eiga skriverettleiing hjelpe studenten til å utvikle seg som skrivar?

Nøkkelord

• Skriverettleiing
• Studenten som skrivar
• Skriving i fag og sjanger
• Tilbakemelding på studentars tekstarbeid

Læringsaktivitetar

Til første samling ber vi om at deltakarane tenkjer over desse spørsmåla til diskusjon i gruppa: 

• Finst det retningslinjer for korleis ein gir tilbakemelding på tekstarbeid i ditt fag?
• Kva slags forventingar har du til studenten som skrivar i faget ditt? 
• Blir dei innfridd? 
• Kva gjer du når du rettleier på tekst? 

Som mellomarbeid til andre samling skal du ta eit skjermopptak av ein fiktiv eller reell rettleiingssituasjon der du viser korleis du gir tilbakemelding på ein studenttekst. Bruk gjerne utdrag av reelle tekstarbeid frå tidlegare rettleiingsmøte. Filmen skal vare i maks fem minutt. Bruk mobil eller ta opptak i Zoom og legg det i Mappe xx på Canvas ei veke før samling 2.

Sjå gjennom filmane til dei andre på di gruppe. I siste time i samling 2 diskuterer de følgande spørsmål i grupper (pass på at de får snakke om alle filmane på gruppa):

• Kva er bra med måten kollegaen din rettleier på?
• Kva er fagspesifikt?
• Kva er knytt til sjanger?
• Kvar er det rom for forbetring?
• Har rettleiingssituasjonen overføringsverdi til din eigen praksis?

Før siste samling skriv du eit refleksjonsnotat på cirka 1 500–2 000 ord der du reflekterer over punkta under. Bruk gjerne litteratur frå tilrådd leseliste. Refleksjonsnotatet leverast i Mappe xx på Canvas til siste samling.

• Beskriv (kort) din eigen rettleiingsfilm
• Kva for tilbakemeldingar fekk du? 
• Er det noko du vil endre i måten du rettleiar på?
• Korleis vil du no møte studenten?

I siste del av samling 3 presenterer du refleksjonsnotatet for dei andre på gruppa di. Til drøfting:

• Kva har du lært etter å ha sett og høyrt korleis kollegaen din rettleiar i tekstarbeid?
• Korleis kan du dra nytte av kollegaers rettleiingspraksis innanfor ditt fag?

Vurdering

Organisering av modulen

Heildigitalt kurs, tre samlingar på Zoom à tre timar, mellomarbeid med å filme eige rettleiingsøkt og skrive refleksjonsnotat. Vi deler inn i arbeidsgrupper på første samling. Kurset er samansett av tre digitale delar.  Alle samlingane er ein kombinasjon av teoretiske førelesingar og praktiske aktivitetar.

Samling 1: torsdag 12. februar kl. 12:15–15:00

1. Introduksjon til dialogisk rettleiing (Solveig Kavli)
2. Studenten som skrivar (Ingerid Straume)
3. Gruppearbeid i breakout-rooms. Spørsmål til diskusjon:

a) Finst det retningslinjer for korleis ein gir tilbakemelding på tekstarbeid i ditt fag?

b) Kva slags forventingar har du til studenten som skrivar i faget ditt? Blir dei innfridde?

c) Kva gjer du når du rettleier?

Introduksjon til mellomarbeid.

Samling 2: torsdag 19. mars kl. 12:15–15:00

1. Om fagspesifikk skriving og skrivetradisjonar i ulike fag (Kirsti Lunde)
2. Om skriveprosess og sjanger (Bodil Moss)
3. Tilbakemelding på fiktive rettleiingsvideoar i breakout-rooms

Samling 3: torsdag 21. mai kl. 12:15–15:00

1. Om tilbakemelding på studentars tekstarbeid (Zoltan Varga)
2. Presentasjon av refleksjonsnotat i breakout-rooms: Refleksjon rundt utvikling av eigen rettleiingspraksis.

Omfang

9 timar undervisning og 31 timar eige-arbeid (opptak av rettleiingssituasjon, rettleiing av kollegaer sine rettleiingsfilmar og skriving av refleksjonsnotat). Deltakarane får eitt poeng for aktiv deltaking i undervisning (minimum to samlingar), og to poeng om dei også leverer og får godkjent refleksjonsnotatet.

Tilrådd litteratur

• Carless, D. & Boud, D. (2018). The development of student feedback literacy: Enabling uptake of feedback. Assessment and Evaluation in Higher Education, 43(8), 1315–1325. https://doi.org/10.1080/02602938.2018.1463354
• Dysthe, O. & Hertzberg, F. (2014). Skriveopplæring med vekt på prosess og produkt.
• ​I K. Kverndokken (Red.), 101 skrivegrep. Om skriving, skrivestrategier og elevers ​tekstskaping (s. 13–35). Fagbokforlaget.
• Hattie, J. & Timperley, H. (2007). The Power of Feedback. Review of Educational Research ​77(1), 81–112. https://doi.org/10.3102/0034654302984
• Kallestad, Å. H. (2021). Å skrive fag. (2. utg.). Fagbokforlaget.
• McConlogue, T. (2020). Assessment and Feedback in Higher Education: A Guide for Teachers (s. 99–134). UCL Press. https://doi.org/10.2307/j.ctv13xprqb
• Straume, I. S. (2020). Skriveren og teksten: Fortellinger om identitet og faglig skriving. Cappelen Damm akademisk/NOASP. https://doi.org/10.23865/noasp.92
• Tischmann, H. & Lunde, R. (2025). Skrivetips! Den første akademiske oppgaven. Fagbokforlaget.