Arbeids- og kompetanseområde
Eg arbeider med digitalisering ved Fakultet for lærarutdanning, kultur og idrett (FLKI), med hovudfokus på opplæring i og bruk av digitale verktøy, samt utvikling av nettbaserte studietilbod. Eg gir støtte i bruk av Canvas og anna pedagogisk programvare, og hjelper fagmiljø med å finne gode digitale løysingar for undervisning og læring.
Eg er vitensenterkoordinator for FLKI inn mot ViteMeir - vitensenteret i Sogn og Fjordane. Her bidreg eg til å styrke samarbeidet mellom fagmiljø og vitensenter, og rettleier i korleis vitensenteret kan takast i bruk i undervisning og formidling.
Her kan du lese meir om korleis du kan bruke vitensenteret.
Eg har vore tilsett på høgskulen sidan 2018.
- Frå 2018 - 2023 som rådgjevar ved SEFAL - senter for fysisk aktiv læring, primært inn mot IKT - støtte på senteret og utvikling av nettstaden FALtastisk.no.
- Frå 2023 - d.d. som rådjevar i eining for regional utvikling
I tillegg er eg tilsett i delt stilling ved ViteMeir, der eg arbeider med formidling, utvikling av læringsopplegg og utstillinga i senteret. Vitensentra i Norge har som mål om å spre realfagsglede, og gjere naturvitskap og teknologi engasjerande og tilgjengeleg for barn og unge.
