Tilbyr arbeidsplassbaserte kompetansehevingstiltak i fysisk aktiv læring (FAL) både som etterutdanning utan studiepoeng og vidareutdanning på masternivå med 15 studiepoeng. Elevaktive læringsformer, motivasjon, relasjonar, trivsel, vurdering for læring, fleirfagleg læring og djupnelæring i fagfornyinga er sentrale tema i utdanningane.
Fysisk aktiv læring (FAL)
Først vil vi understreke at vår forståing av FAL er utvikla over tid saman med hundrevis av lærarar og rektorar. SEFAL «eig» på ingen måte dette omgrepet eller forståinga av kva det er. Vår erfaring er at utviklingspartnarane våre i skulen nyttar og forstår FAL ulikt.
Dette er eit omgrep som er i endring og her er vår forståing av FAL per no;
Vi ser på FAL som ein undervisningsmetode som kan integrerast i teoretiske fag som til dømes matematikk, engelsk eller naturfag der elevane er meir fysisk aktive. Undervisninga kan vere ute i skuleområdet, i gangar eller i klasserommet og representerer ein variasjon til stillesittande undervisning. Hovudkjerna til FAL er å fokusere på å inndra kroppen og bevegelse for ei anna tilnærming til læring. FAL blir ein del av den pedagogiske heilskapen og ein arbeidsmåte for å oppnå lærings- og kompetansemål i faget.
Geir Kåre Resaland om fysisk aktiv læring.
Kva er fysisk aktiv læring? Korleis skiller det frå anna læring og korleis kan det vera ein fordel for elevane? Kva kan det bidra med?
Physically Active Learning - Improving Performance
